Мантиқий саволлар, қизиқарли, ҳазил, кулгили, жавоби билан

Мантиқий саволлар, қизиқарли саволлар, кулгили саволлар, ҳазил саволлар, заковат саволлари ва албатта уларнинг жавоблари – барчаси шу ерда!

Ҳурматли ўқувчилар, ушбу мантиқий саволлар бир қарашда осон ва оддийдек туюлсада ўзига яраша мураккаблигига эга. Саволларнинг жавобларини яширин ҳолда бермоқдаман, негаки, саволнинг жавобини кўришга шошилмасдан ўзингиз ҳам ечимини ўйлаб кўринг. Билмаган саволларингизга жавобларни қанча кўп ўйласангиз шунча зеҳнингиз ошади, хотирангиз мустаҳкамланади, ақлий фаолиятингиз ривожланади. Ушбу саҳифада қизиқарли саволлардан ташқари математик масалалар, бошқотирмалар, мантиқий топишмоқлар ҳам ўрин олган. Омад сизга ёр бўлсин!

100 та мантиқий саволлар жавоблари билан

1 У Геймс Кукда кичкина, Арнолд Швартснегрда катта, Мадонна ва Клеопатрада умуман йўқ, Рим папасида бор, лекин уни ишлатмайди. Гап нима ҳақида кетяпти?

2. Финляндия, Норвегия, Швецияда янги йил куни уни совға қилишса билингки, сизга бахт ва илиқлик исташайотган бõлади. Юнонистон ва Испанияда у ҳавф-хатар белгиси бõлган. Ҳақиқатдан ҳам ундан катта хавф бõлиши мумкин. Савол у нима?

3. Бу “машина” умуман ҳаракатланиш учун мўлжалланмаган. Аммо бутун дунёдаги уларнинг юрган “йўлини” ҳисобласак улар автомобил ва самолёт босиб ўтган масофадан ортиб кетади. Ҳаммамиз кўрган ва баъзиларимизда бор бўлган бу “машинанинг” номи нима?

4. Л.Н.Толстой маиший турмушга бағишланган барча асарлар, роман бўладими, филм бўладими, қисса афсона бўладими воқеалар ривожланиб бориб у билан тугайди, ҳаётда эса аксинча ҳамма воқеалар ундан кейин бошланади деган. Мантиқий ўйлаб айтингчи, Л.Н.Толстой нимани назарда тутган?

5. Кулгили савол: Қишлоққа келган сайёҳларни доим бир нарса ажаблантирар экан. У ерда телбароқ бир ўспирин бўлиб, сайёҳлар унга 50 сентлик ялтироқ танга ёки 5 долларлик қоғоз купюралардан бирини олишни таклиф қилишса доим 50 сентликни танлар экан. Ҳолбуки, 50 сент 5 доллардан 10 баробар кам. Қизиқ, телба ўспирин нега доим 50 сентлик тангани танлаши мумкин? Балки, бунга сабаби бордер, жуда телба ҳам эмасдир?

6. Украина, Хитой, Туркия, Канада каби давлатларда у 2 та, Ўзбекистон, Россия, Франтсия, Италия каби давлатларда – 3 та, Эфиопия, Суринам, Қувайт, Сурияда – 4 та. Савол: Лихтенштейн ва Ливияда у нечта?

7. Ҳар йили миллионлаб одамлар ҳаж амалини бажаришади. Макка шаҳрига бу тадбирни ўтказиш учун хавфсизлик масалаларида, хизматкорлар, таксистлар ва бошқа ёлланма ишчилар жалб этилади. Туркия давлатидан бир касб вакилларидан 30 минглаб кишилар чақирилади. Савол: бу қайси касб вакиллари ва улар қандай ишни бажаришади?

8. Қадимги Римликларнинг фикрича, энг шафқациз хўжайинлар – улар. Савол: улар кимлар?

9. Қадимги Юнонистонда папка кўтарган кишиларни бир ном билан аташганки биз уларни бошқача ном билан атаймиз. Савол: Юнон тилида папка кўтарган кишилар бизда нима деб аталади?

10. Психологларнинг фикрича қайси ой энг ширин ой ҳисобланади?

11. 1943-йил, 27-ноябрда тобора камайиб бораётган милиция ҳодимлари учун бир қарор чиқаришган. Ушбу қарор туфайли милиция ҳодимлари сафи яна тўлдирилган. Савол: бу қандай қарор эди?

12. Бозорда кўрмайсиз, кўрсангиз ҳам олмайсиз, олсангиз ҳам киймайсиз, кийсангиз ҳам кўрмайсиз. У — ?

13. Бир бойвачча ҳоним хизматкорига мен ўлсам бойлигимни сенга хатлаб бераман деб айтади. Ҳоним хизматкорига яна бир гап айтадики хизматкор уни узоқ вақт яшашини хоҳлайди. Савол: мантиқий фикрлаб кўринг, хизматкор нега ҳонимни узоқ яшашини истаган?

14. Ҳазил савол: Энг кўп ҳақорат эшитадиган кишилар кимлар?

15. Амир Темур жанг пайти уларнинг ўрни беқиёс, 100 та моҳир жангчи ҳам уларнинг ўрнини боса олмайди деб айтганлар. Савол: Соҳибқирон кимга таъриф берганлар?

16. Антиқа савол: 1-б, 2-И, 3-у, 4-т, 5-б. Сиз қолган бешта ҳарфни ёзиб беринг.

17. Мантиқий савол: Али ва Вали балиқ овлагани чиқишибди. Улар ўғилларини олволишибди. Влининг ўғлини исми Мирвали экан. Али 4 та, Вали 3 та, Мирвали 6 та балиқ тутибди. Савол: Алининг ўғлини исми нима?

18. Французларда “Тухумдан олмагача” деган ибора бор. Улар бу кони фойда экани учун ҳам бунга амал қилишади. Савол: “Тухумдан олмагача” иборасида нима назарда тутилмоқда?

19. Математик масала: Қўлингизда бир хил катталикдаги, бир хил рангли 9 та шар бор. Шарлардан 1 таси бошқаларига қараганда бироз енгилроқ. Икки паллали тарозидан 2 марта фойдаланиб енгилроқ шарни топинг.

20. Қизиқарли факт: у АҚШликларда О. К. Й. тарзида берилса японларда Й. О. К. шаклида, бизда К. О. Й. кетма-кетликда берилади. Агар англаган бўлсангиз ниманинг кетма-кетлиги келтирилмоқда?

— 21. У одамзод ўзи учун тузиб оладиган қора рўйҳатда туради, унинг каттаси эмас, баъзан кўзга кўринмайдиганлари ҳавфлироқ. Унинг каттасими, кичигими ҳар биримизда бор. Мантиқий ўйлаб жавобини топинг.

22. Қўқон хонлиги даврида машҳур Қўқон бозорига водий бўйлаб турли томонлардан кишилар тўпланар эди. ҚизиғИ бир хил маҳсулотни бир хил миқдорда олиб келган бўлса ҳам шарқ томондан келган сотувчига 100 танга, ғарб томонидан келган сотувчига эса 50 танга солиқ солинган. Савол: нега ғарб томондан келган сотувчиларга икки баробар кам солиқ солинган?

23. Чўпонлар бозордан эчки харид қилаётганда унинг қулоғига назар солишар экан. Айнан катта ва узун қулоқли эчкини танлашар экан. Савол: нега катта қулоқли эчки сотиб олишади?

24. Математик масала. Бир мамлакат султони хазинасига ўз ҳукмдорлиги остидаги 12 вилоят ноиблари келтирган тилла танга билан тўлдирилган қопларни йиғибди. Кутилмаганда бир чопар ҳаллослаб келиб қолибди ва султонга шундай дебди:
— Эй буюк султон, ноибларингиздан бири сизни сотди. У юборган қоп қалбаки тангалар билан тўлдирилган. Улар ташқи кўринишидан ҳақиқийсидан фарқ қилмайди, фақат уларнинг оғирлиги ҳақиқий тилла танга каби 10 грамм эмас, 9 грамм. Султон қайси ноиб юборган қопни бир тортишда аниқлашга аҳд қилибди. Сиз унга 1 марта тортишда қайси қоп қалбаки тангалар билан тўлдирилганлигини аниқлашда ёрдам бера оласизми?

25. Инглиз фермерлари сигирларга кўпроқ туз бериш самарали экан дейишмоқда. Тузнинг қандай фойдаси бўлиши мумкин деб ўйлайсиз?

26. Деҳқонлар экинларни бироз кечроқ экишганда устига қора кўмир сепиб қўйишар экан. Савол: нега қора кўмир сепишлари керак?

27. Айнан бир пойтахт шаҳарнинг ичида бошқа бир давлат жойлашган. Бу қайси шаҳар ва давлат?

28. Энг хотираси паст бўлган кулранг олмахонлар ўрмондаги дарахтлар кўпайишига хисса қўшар экан. Савол: Улар қандай қилиб дарахтлар кўпайишига ёрдам беради?

29. Қизиқ савол: ХИХ асрларда европада велосипед миниш жуда оммалашиб кетади. Велосипед баҳона аёлларнинг азалий орзуларининг ушалиши тезлашиб кетади. Савол: велосипед баҳона аёллар қандай орзуларини амалгам ошириб олишди?

30. Географиядан савол: Бу пойтахт икки шаҳарнинг бирлашишидан ташкил топган. Унинг номи ҳам икки шаҳар номининг қўшилишидан пайдо бўлган. Бу қайси шаҳар?

31. Тсейлонда ҳар бир оиланики алоҳида ўз ҳовлисида жойлашган, бизнинг ерларда эса ҳамманики умумий. Савол: нима ҳақида гап кетмоқда?

32. Ҳазил савол: Нима учун инсон орқасига қарайди?

33. Математик масала: Биро дамнинг 500 сўм пули бор эди. У 100 та уй ҳайвони олиши керак. От – 50 сўм, сигир – 10 сўм, қўй – 1 сўм. У ҳамма пулини ишлатиб 100 та ҳайвон сотиб олиш учун қайси ҳайвондан нечтадан олиши керак?

34. Қадимги Спарта аёллари эрлари қабрига борганда ўз вафодорликларини белгиси сифатида бир кичкина идишда ҳеч қаерда сотилмайдиган суюқлик қуйиб келишар экан. Савол: қандай суюқлик ҳақида гап кетмоқда?

35. Курил оролларида яшовчи туб аҳоли жуда қадимдан бери эулахон балиғини тутиб олишса жуда хурсанд бўлар экан. Бу балиқ ингичка ва жуда ёғли балиқ бўлиб уни қуритиб олиб қўйишар экан. Савол: улар бу балиқдан нима мақсадда фойдаланишлари мумкин?

36. Тарих фанидан савол: Қадимги Спарта давлатида маст қилувчи ичимликларни ичиш таъқиқланган эди. Қонунни бузганлар қаттиқ жазоланган, аммо барибир ичимлик ичиш давом этаверган. Шундан сўнг шафқациз буйруқ эълон қилинган. Савол: бу қандай буйруқ эди?

37. Осиёда жуда тараққий этган бу давлатнинг қадимий пойтахти шоҳлар шаҳри эди. Бу пойтахтнинг ҳозирги номи шаҳарлар шоҳига ўзгарган. Қайси давлат ва шаҳарлар сўралмоқда?

38. Болалр учун савол: Суахили тилини билмайсиз, лекин у тилдаги бир сўзни машҳур мултфилмдан кўп эшитганмиз ва ишлатганмиз. Бу сўзнинг маъноси ҳавотирсиз яхши яшаш дегани. Бу қайси сўз?

39. Қизиқ савол: Театр актёрлари бир нарсадан жуда қўрқишади, ҳатто тушларига кирса ўнгимда тескариси бўлади деб ўзларини юпатишади. Чунки у актёрлик ижросига ҳам салбий таъсир ўтказади. Савол: театр актёрлари нимадан кўпроқ қўрқишади?

40. Болалар учун мантиқий савол:
18=2
19=1
68=3
17=0
Мантиқан ўйлаб айтинг, тенг қўйилган сонларни аниқлашда нима ҳисобга олинган?

41. Шундай бир туйғу борки у оёқларга қанот бериши ҳам, оёқларни ерга кишанлаши ҳам мумкин. Савол: бу қайси туйғу?

42. Чалғитувчи савол: Бир тракторчининг укаси бор экан, укасининг акаси йўқ экан. Мантиқий фикрлаб саволнинг жавобини изоҳлаб беринг.

43. Жиддий савол: У энг арзон ва энг қиммат мулк. Ундан тўғри фойдаланилса даҳога айланиш мумкин. У нима?

44. ВИИ-ВИИИ асрларда Эронда топилган тарихий ҳужжатда шундай мажбуриятлар ёзилган эди: “Худо номи билан қасам ичаман, уни сотмайман, қарз ҳисобига қулликка ҳам, бошқалар ҳимоясига ҳам бермайман” Савол: ушбу ҳужжатда қандай мажбурият зикр этилган?

— 45. Мантиқий савол: Бу икки ака ука бир жойда туғилган. Ёш ораси ҳам унча узоқ эмас. Акаси 4 йил яшаган, укаси акасидан 2 йил кўпроқ яшаган. Бу ғалати машҳур ака укалар нималар?

46. Футбол фанатлари учун савол. Италияда шундай футбол мактаблари борки, ҳужумчилар алоҳида, ярим ҳимоячилар алоҳида, ҳимоячилар алоҳида ўқитилади. Ҳимоячилар мактабида 1 йил фақат шундай нарса ўргатиладики, бу нарсани қилолмаган ҳимоячи бошқа машғулотларга қўйилмайди. Савол: нима уларга 1 йил ўргатилади?

47. Тизза бўғимлари 4 та бўлган ягона сутемизувчи ҳайвон қайси?

48. Тарихдан савол: Аҳолини рўйҳатга олиш қадимги мисрдан бошланган. Улар эрамиздан аввалги 3,5 минг йил аввал бу ишни амалгам оширганлар. Савол: аҳолини рўйҳатга олишдан мақсад нима бўлган?

49. Қизиқарли савол: Диего, Манфрид ва Сид қайси “даврда” дўстлашади?

50. Буюк Хитой деворини қуришда мустаҳкам бўлиш учун тош, тупроқ ва ўша нарсани ишлатишган. Савол: ўша нарса нима?

51. Бир гап борки уни хурсанд одамга айтсангиз, ҳафа бўлади, ҳафа бўлган инсонга айтсангиз хурсанд бўлади. Бу қандай гап?

52. Адабиёт ихлосмандлари учун мантиқий савол. Алишер Навоий шундай фалсафий фикрлар битганлар:

<блоcкқуоте>“Ҳалол ва пок яшаб комилликка эришмоқ учун йигитллик чоғида харакат қилиш зарур. Зеро пайти келиб ўзинг қўйган нуқталарга хомуш термулиб хотираларга берилишингга тўғри келади”.

Савол: ўзинг қўйган нуқталар деб нимага шама қилинган?

53. Энг биринчи унинг ёруғлиги кўринади, сўнг овози эшитилади, сўнг шамолини ҳис қиласиз, ана ундан кейингина ўзи кириб келади. Гап нима ҳақида кетмоқда?

54. Машхур саййох Жеймс Кук Таити ва Янги Зеландия оролларига иккинчи бор ташриф буюрганида ўзи билан қўй ва чўчкалар олиб боради. 2 та максади бор эди: биринчиси оролликлар турмуш фаровонлигини ошириш, иккинчисини сиз ўйлаб кўринг.

55. Қисқа савол: Корейс тилига пойтахт сўзини таржима қилинг.

56. ХИИИ асрда бу нарсага эҳтиёж сезила бошлаган. ХИИ-ХИИИ асрларда университетларнинг кўпайганлигини бунга сабаб сифатида келтириш мумкин. Ўша вақтгача уни ҳеч ким билмаган. Савол: у нима?

57. Осон савол: Бир кишининг 7 та қизи бор. Қизларнинг ҳар бирини биттадан акаси бор. Савол: у кишининг нечта фарзанди бор?

58. Ҳиндистонда сигирни муқаддас жонзот деб эҳтиром кўрсатишади. Улар масофани ўлчашда ҳам сигирдан фойдаланишар экан. Савол: ҳиндлар масофани ўлчашда сигирдан қандай қилиб фойдаланиши мумкин?

59. Осон савол: Қайси қушнинг кўзлари миясидан каттароқ бўлади?

60. Математик топишмоқ: пастда турган бир ғоз осмонда учиб кетаётган ғозларга қараб “Ҳоой юз ғозлар, мени ҳам олиб кетинглар!” – дебди. Шунда осмондаги ғозлар “Биз 100 та эмасмиз, бизга бизча, бизнинг ярмимизча, ярмимизни ярмича кейин сен қўшилсанг 100 та бўламиз” – дейишибди Осмондаги ғозлар нечта?

61. Севимли шоир Эркин Воҳидов уларни шундай таърифляган:

<блоcкқуоте>Уларда режа бор, иш бор, ғайрат бор,
Улар ҳордиқ кун қилмаслар талаб.
Душанба бошлари оғримас наҳот?
Кечикиб келмаслар ишга эрталаб!

Ўзбекистон қаҳрамони Эркин Воҳидов улар деганданимани таърифляган?

62. Қизиқарли савол: Яқинда ғарб матбуотида дунёдаги энг ёқимсиз буделниклар рўйхати эълон қилинди. Бу рўйҳатда 5- ўринни олган буделникни ўчириш учун сиз кроссворд ечишингизга тўғри келади. 4- ўриндагиси эса эрталаб сизни ҳар хил ҳақоратли сўзлар билан уйғотади. 3- ўрин мозайка буделнигига насиб қилди. Товуқ шаклидаги буделник 2- ўринни олган бўлиб, у эрталаб бир нечта тухум туғади. Тухумларни йиғиб жойига қўймагунингизча товуқнинг овози ўчмайди. 1- ўринни олган буделник ишга тушганидан сўнг уни ўчириш учун анча ҳаракат қилишингизга тўғри келади. Аслида уни ўчириш унчалик қийин иш эмас, битта тугмани босиш кифоя, лекин бу тугмани босишдан олдин сиз бошқа бир ишни қилишингиз талаб қилинади. Сиз буделникни ўчириш учун нима қилишингиз керак?

63. Кембридж университети математика ўқитувчиси энг аълочи талабага бир иши учун ёғоч қошиқ берар эди. Айтингчи, қандай иши учун шундай қиларди?

— 64. Қизиқарли бошқотирма. Иккита бир хил стакан. Уларнинг бирида сут, иккинчисида кофе. Уларнинг миқдори бир хил. Биринчи стакандан 1 қошиқ сут олиб иккинчи стаканга солинди ва аралаштирилди, кейин иккинчи стакандаги сут аралашган кофедан бир қошиқ олиб сут солинган стаканга қуйилди ва аралаштирилди. Савол: сутда кофе кўпми, кофеда сут?

65. География фанидан савол: Уганда, Эквадор, Колумбия, Индонезия, Сомали, Кеня, Бразилия, Конго. Бу давлатларни бир нарса бирлаштириб туради. У нима?

66. Кулгили савол: Туяга қушнинг тухумини бостирса нима бўлади?

67. Юлий Сезар ғанимлар ўқий олмаслиги учун маҳфий мактубларини махсус шрифт билан ёзар эди. Мана махсус шрифтда ёзилган сўзга намуна: нблубд. Шрифтни тушунганлар бу сўзни мактаб деб ўқишган. Намунага диққат билан қараб айтингчи, маҳфий шрифтнинг қоидаси нима эди?

— 68. Топишмоқ: Денгиз ҳам эмас, ер ҳам эмас. Унда кема ҳам сузмайди, одам ҳам юрмайди.

69. Бир подшо у билан суҳбатга келган кишиларни тахт олдидаги шернинг очиқ оғзига қараб гапиришни талаб қилган. Мантиқий ўйлаб айтингчи, шоҳ нега шундай йўл тутган?

70. У қуш ўз қанотлари ёрдамида сув тагида суза олади. Тезлиги эса 10 м/с. Энг қизиғИ, у қуш шунча тез сузса ҳам уча олмайди. Бу қайси қуш?

71. Нуротада бу нарса жуда ҳам кўп. Бу нарсага қуйидагича номлар ҳам қўйилган: Мастак, Зули, Зулфиқор, Мозор, Бегли, Тайла, Мастон. Нуротадаги бу номлар нима нарсага қўйилган?

72. Оддий савол: Ниманинг 5 та бармоғИ бор, тирноқлари йўқ?

73. Шерлок Холмс ва Доктор Ватсон Лондоннинг бир чеккасидаги қаҳвахонага киришади, чеккадаги стулга бориб ўтиришади. Холмс қаҳвахона хўжайинига “Илгари қаҳвахонангизда тўс-тўполонлар бўлиб турармиди?” – деб сўрайди. Хўжайин оғзи очилиб буни қаердан билдингиз деб сўрайди. Холмс буни қаердан билган эди?

74. Кулоллар каттта-катта хумчалар ясаганда оғиз қисмини қалинроқ, туб қисмини юпқароқ қилиб тайёрлашади. Савол: нега туб қисми юпқароқ қилинади?

— 75. Математик бошқотирма. Қирғоққа 2 ёш бола ва 1 катта одам келишди. Улар дарёнинг у бетига ўтибшлари керак. Қирғоқда 1 та қайиқ бўлиб у 2 ёш болани ёки 1 одамни кўтара олади холос. Улар ўйлаб кўриб бунинг ечимини топишди. Сиз ҳам ечим излаб кўринг.

76. Вена опера театри кийим топширадиган хонада сизга узоқни яхши кўрсатадиган восита ва бепул хапдори (таблетка) таклиф этишади. Савол: хапдори нима вазифани бажаради?

77. Уммон давлатида аёлларга машина миниш ҳуқуқи бир шар билан рухсат берилган. Бу қандай шарт?

78. Юнон файласуфи Диоген “Агар бўйсунмас, тўполончи қулим бўлса уни жазолаб Колизейга олиб бориб ўтирмасдим.” Деган. Савол: файласуф тўполончи қул ҳовурини босиб олиш учун қаерга жўнатишни айтган бўлиши мумкин?

79. Қизиқарли савол: Унинг ўрнида Сулаймон оролларида одамнинг бош суяги, Санта Крус оролларида қуш патларидан ясалган 10 м. лик тасма, Тинч океанидаги баъзи оролларда 100 йил олдин диаметриc 4 м. лик бўлган тошлар ишлатилган. Савол: унинг ўрнида биз ҳозир нима ишлатамиз?

80. Тарих бўйича савол: Буюк саркарда Искандар Зулқарнайннинг қўшинлари орасида махсус 700 кишилик сараланган жангчилари бор эди. Уларнинг бир хислати туфайли рақиб қўшинлари улар билан жанг қилишга қийналишар эди. Савол: сараланган жангчиларнинг қандай хислати бор эди?

81. У дунёда 3096 та. Ҳар йили уларнинг 14 таси йўқолибкетмоқда. Савол: у нима?

82. Шундай бир нарса борки у дастлаб қўшиқ куйлаб, сўнгра кўзёш тўкади. Бу нима?

83. Тайланд қонунларига кўра пул ва тангаларни оёқ билан босиш мумкин эмас. Бундай ишни қилган шахсларга жарима солинади. Бу қонун ўзига хос маънога эга. Савол: нима учун бундай қонун чиқарилган?

84. Қисқа савол: Ниманинг 40 қулочи 1 грамга тенг?

85. Бир йигит бор экан. У камбағал бўлиб унинг фарзанди йўқ экан.Бу ҳам етмагандек отасининг кўзлари ожиз экан. Кунларнинг бирида унга фаришта учрабди ва биттагина тилагингни амалгам ошираман дебди. Йигит битта тилак билан уччала орзусига ҳам етибди. Савол: у қандай тилак айтган?

86. Унинг қора, яшил, сариқ, қизил турлари мавжуд. У деярли ҳар бир ҳонадонда бор. Ўзбекистонда уни қора ва яшил турларини кўп истеъмол қилишади. Савол: у нима?

87. Денгизда кемалар бир-бирига кўринганда қўл силкитиб саломлашгандай бўлишар экан. Баъзи кемаларда матрослар арқон кўрсатишар экан. Савол: арқон кўрсатиш билан нима демоқчи бўлишади?

88. Дунёда ўқитиладиган фанлар кўп. Ҳар бир фан ўз маъносига эга. Қайси фан “Доноликни севаман” маъносини билдиради?

89. Бу пойтахт шаҳарга ўша давлатнинг 1- президентининг номи берилган. Бу қайси шаҳар?

90. АҚШ давлатининг Хитой республикасига сотадиган маҳсулотлари орасида у 3- ўринда турар экан. Бу АҚШга бир йилда 1 миллиард 300 миллион доллар фойда келтирар экан. Савол: қандай маҳсулот (уни маҳсулот дейиш ҳам мушкул) ҳақида гап кетяпти?

91. Антиқа савол: Яхудийлар фикрича, ўғил бола туғилса тинчлик қарор топади. Қиз бола туғилсачи?

92. Ер юзида шундай таржимон борки, у хоҳлаган тилда гапиринг, у гапингизни таржима қилиб тилингизда жавоб қайтара олади. Мантиқий ўйлаб кўринг, қандай таржимон сўралмоқда?

93. Ўзбекистон, Уругвай, БАА, АҚШ, Украина, Уганда. Бу давлатларни инглиз тилини ишлатган ҳолда боғлиқлигини аниқланг.

94. Қайси қизнинг отаси йўқ, онаси йўқ – бобоси бор?

95. Одатда одамнинг юраги 1 та бўлади. Мантиқан ўйлаб айтингчи, қандай одамда юрак 2 та бўлади?

96. Болаларга мос савол: Ғорда қароқчилар қароргоҳи бор эди. У ерга кириш учун маҳфий паролни айтиш керак эди. 1 қароқчи келганда қўриқчи унга 1 деди, қароқчи 3 деб айтди ва ичкарига ўтиб кетди. Бошқа бир қароқчи келганда қўриқчи унга 2 деди ва у 4 деб жавоб берди, у ҳам тўғри айтгани учун ўтказиб юборилди. Бошқа бир қўриқчига 7 рақами берилди у эса 5 деб жавоб айтди. Унинг жавоби ҳам тўғри эди. Ўйлаб кўриб айтингчи, 1-3, 2-4, 5-3 рақамлари қандай мантиқ асосида тузилган?

97. Бошланғич синф ўқувчиси бу вазифани беш дақиқада, юқори синф ўқувчиси ўн беш дақиқада, олийгоҳ талабаси олтмиш дақиқада ечади, олим эса ечолмайди. Мана ўша вазифа: “БИУТБОЕСТЎ” нимани билдиради?

98. Бир кема ҳалокатга учраб биргина эркак киши омон қолибди. Тўлқинлар уни фақат аёллар яшайдиган оролга элтиб ташлабди. Эркак ҳушига келганда аёллар уни қурбонлик қилиш учун тайёрланишаётган экан. Улар эркакка сўнгги сўзларини айтишини таклиф қилишибди. У сўнгги сўзларини айтгач аёллар уни ўлдириш ўрнига қайиқ ясаб, озиқ-овқатлар билан таъминлаб қўйиб юборишибди. Қизиқ, эркак нима деган?

99. Қаерда от устидан от сакраб ўтишини кўриш мумкин?

100. Бир вақтнинг ўзида 2 уй ёнмоқда, бири бдавлат кишиники, иккинчиси камбағал кишиники. Қайси уйни полиция биринчи бўлиб ўчиришга шошилади?

Ҳозирча шулар. Сайтни тез-тез кузатиб туринг. Яқин кунларда расм кўринишидаги мантиқий саволлар эълон қиламан. Азиз дўстим, сизда ҳам янги мантиқий ва қизиқарли саволлар бор бўлса шу ерга ёзиб қолдиришингиз мумкин, жавобини кўпчиликлашиб бирга топамиз.

Манба: Baxtiyor.uz