Najmiddin Kubro hikmatlari, eng sara hikmatlar to’plami

Najmiddin Kubro (1145-1221) — zabardast tasavvuf donishmandi, Kubroviya tariqati asoschisi.


Ko‘rdimki, eng yaxshi do‘st ilm ekan.

Xoru zorlikni maxluqlar xizmatida, azizu mukarramlikni Xoliq xizmatida bo‘lishda ko‘rdim.

Dunyo va oxirat yaxshiligini Rasul alayhissalomning sunnatlariga ergashishda ko‘rdim.

Dunyoyu oxirat yaxshiligini qanoatda, yomonligini ta’mada ko‘rdim.

Ko‘rdimki, Alloh dunyo qulligidan ozod qilgan kishigina haqiqiy hur ekan.

Ko‘rdimki, umr va dunyodan ko‘ra tez o‘tib ketadigan, o‘lim va oxiratdan ko‘ra yaqinroq, orzudan ko‘ra uzunroq, xotirjamlikdan ko‘ra go‘zalroq narsa yo‘q ekan.

Iltimosga qolgan kunda o‘limni, bosiqlik va ta’masizlikda barhayotlikni ko‘rdim.

Ko‘rdimki, vaqtini «essiz», «qaniydi», «koshki»lar bilan o‘tkazgan kishining umri eng qisqa ekan.

Husni xulqdan yaxshilik ustiga yaxshilik qo‘shadigan, hasaddan ko‘ra yomonlik ustiga yomonlik qo‘shdigan narsa ko‘rmadim.

Ko‘rdimki, eng noyob ne’mat rostgo‘ylik va mardlik, eng og‘ir balo munofiq do‘stlar ekan.

Manba: islom.ziyouz.com

Если вам понравилась статья, поделитесь ею с друзьями в социальных сетях.
Sirlar.uz