Abulqosim Firdavsiy hikmatlari, eng sara hikmatlar to’plami

Abulqosim Firdavsiy (934-1025) — jahon adabiyotida mashhur fors-tojik shoiri, 120 ming misrali «Shohnoma» dostoni muallifi.


Donolar so‘ziga quloq ilmasang, Eng nodon sendirsan — bilgil, bilmasang.
 
Pandu nasihatdan kim o‘girdi yuz,
Zahmati ming bo‘lur, pushaymoni — yuz.
 
Nodonlikdan yomonlik keladi faqat,
Nodonga yondoshma, bosmasin g‘aflat.
Abdulqosim Firdavsiy
Qochar tulkidan jang ko‘rmagan sher.
 
Aql ulug‘likka etadi payvand,
Aqlsizning doim oyog‘ida band.
 
Kimki tig‘ ko‘tarar birov joniga,
Zamon tashna bo‘lur uning qoniga.
 
Birovga sog‘insa har kim yomonlik,
Nihoyat ul o‘zi topmas omonlik.
 
Shon-shavkat yuksak maqsad sari intilganning mulkidir.
 
To‘g‘rilikdan kelmish hamma yaxshi ot,
Egrilikdan foyda ko‘rmadi bir zot.
 
Qayda ravshan bo‘lsa to‘g‘rilik nuri,
Egrilik so‘nadi, quriydi sho‘ri.
 
Gapirmagan gaping ichingda nihon,
Har tomon yoyilar aytganing zamon.
 
O’zining aybini bilganda odam,
Boshqalar aybini so‘zlamasdi ham.
 
O’zgaga qilgan muruvvatingni do‘stga ham, dushmanga ham maqtanma.
 
O’z yovin parvarish qilgan odam xom,
Jahonda chiqarar axmoq degan nom.
 
Tirik qolib g‘anim bo‘lgandan shodon,
Sharaf bilan o‘lish yaxshiroq chandon.

Manba: islom.ziyouz.com

Если вам понравилась статья, поделитесь ею с друзьями в социальных сетях.
Sirlar.uz