Чорвачилик ҳақида мақоллар

Чорвачилик ҳақида мақоллар

Ёмон чўпон тиконга берар,
Яхши чўпон — дўконга.

Омочнинг ўн боргани —
Моланинг бир боргани.

Саккиз сигир асрагунча,
Бир говмиш асра.

Семиз қўй ўзини канорада кўрар.

Семиз қўйнинг умри калта.

Сигир олсанг, соғиб ол,
Сутин-мойин татиб ол,

Сигири бор оч қолмас.

Сигирли уйда сил бўлмас.

Сигирнинг елинига қарама, емига қара.

Синамаган сигирни соғиш қийин.

Сут бермаган сигир этга сўйилар.

Туя тилини карвон билар.

Туяли бой — дунёли бой.

Туяли ерда тут бўлмас.

Уйпанг жойда ўт битар,
Унга етгунча, мол кетар.

Уютқисиз қатиқ уюмас,
Ачитқисиз — қимиз.

Чўпонга — суҳбат ҳаром.

Чўпоннинг таёғи — отлининг оёғи.

Шишак сўйдим — пишак сўйдим.

Эчки боққан чорвадор бўлмас,
Шафтоли эккан — боғбон.

Эчкиси кўпнинг сўзи кўп.

Эшак мунчоқ тож бўлмас,
Ит узуми ток бўлмас.

Юнг оламан десанг, жайдари,
Бой бўламан десанг, ҳисори.

Яхши гўшт — яхши шўрва,
Яхши сут — яхши қаймоқ.

Қўзичоқдан қўй бўлар,
Қулунчадан — той.

Қўй керак бўлса, сунбулада қирқ,
Жун керак бўлса — мезонда.

Қўй семизи — қўйчидан.

Қўй семирса, қовурғаси кичраяр.

Қўй туғар, қўзи бўлар,
Йил ўтмай ўзи бўлар.

Қўй қассоб қўлида ҳалол.

Қўйни боқсанг, қўзилар,
Молни боқсанг, бузоқлар.

Қўйни ўт ичидан ўтказма,
Ўтни қўй ичидан ўтказ.

Қўйни қўй, Эчкини сўй.

Қўш ҳайдаган хўп билар,
Ўз ишини кўп билар.

Если вам понравилась статья, поделитесь ею с друзьями в социальных сетях.
Sirlar.uz