Азиз дўстларим учун яна янги жуда ҳам қизиқарли ва мантиқий саволлар тўплами тайёр бўлди.
Мантиқий саволлар катталар ва болалар учун ҳам ҳар доим қизиқ бўлиб келган. Ушбу тўпламда мантиқий саволлар билан бир қаторда қизиқарли ва кулгили саволлар, чуқур ўйга толдирувчи бошқотирмалар, математик масалалар ва ноодатий жумбоқлар ўрин олган. Баъзи саволларнинг жавоблари лабингизга табассум улашса, баъзилари сизни мушоҳадага чорлайди. Ҳар галгидек саволларнинг жавобини яширин ҳолда бермоқдаман.
Саволларнинг жавобини кўришдан олдин ўзингизнинг мантиқий қобилиятингизни синаб кўришингизни ва жавобга солиштиришингизни маслаҳат бераман.
Янги мантиқий саволлар жавоблари билан
1. Чир-чир қушлар,чирмашиқ қушлар
Ўзининг жони йўқ, одам келса тишлар.
Савол: Топишмоқни жавобини топинг?
Тикон
2. Ҳисоблаб кўринг, бирдан юзгача бўлган сонлар кетма-кет ёзилган. Бу ёзувда а) нол; б) уч рақами неча марта учрайди?
а) 9; б)20.
3. Мантиқий: Қудуққа тушган қуш қандай чиқади?
Ҳўл бўлиб
4. Математик савол: Акбар саккизга тўлганида отаси 31 ёшда эди. Энди эса отаси Акбардан икки баравар катта. Хўш, Акбар неча ёшга кирди?
Акбар 23 ёшда, отаси 46 ёшда;
5. Ақлни чархлайдиган савол: Ҳакимлар айтишларича, у чарчоғи йўқ ибодат, безакциз зийнат, давлациз ҳайбат, деворсиз қўрғондир, у олим учун зийнат, жоҳил учун пардадир. Ҳакимлар нимани назарда тутганлар?
Жим туриш
6. Икки хонали соннинг рақамлари йиғиндиси энг кичик икки хонали сонга тенг.
Ўнлар хонасидаги рақам бирлар хонасидаги рақамдан тўрт марта кичик. Бу
сонни топинг.
28
7. Қизиқ савол: Скавароткага иккитадан прашка сиғади. Битта прашкани бир томонини пишириш учун 1 минут вақт кетади. 3 та прашкани пишириш учун энг ками билан неча минут вақт сарфлаш мумкин?
3 мин.
(Изоҳ: аввал 2 прашкани бир томони пиширилади, кейин битта прашка олиб қўйилиб 3- прашка билан иккинчи томони пиширилади. 3- минутда бир томони пишмай қолган прашкалар пиширилади.)
8. Отда кетаётган Кенжа ботирга даштда бўрилар галаси ҳужум қилди. Кенжа ботир
иккита бўри ёнидан ўтаётганда, бу бўрилар унга ташландилар. Кенжа ботир
бўриларга чап берди, бўрилар эса бир-бири билан тўқнашиб, ярадор бўлишди.
Шу чап бериш усулини қўллаб, Кенжа ботир барча бўриларни ярадор қилди.
Галада 23 та бўри бўлган бўлиши мумкинми?
Йўқ
9. Бошланғич синф ўқувчилари учун: 2 литр сутни қандай қилиб бир литр банкага жойлаш мумкин?
Творогга айлантириб;
10. Бу балиқнинг болға, тулки, арратумшуқ, зебрасимон, йўлбарссимон каби турлари бор. Бу қайси балиқ?
Акула.
11. Математик масала: Доира шаклидаги стол атрофида 6 та стул бор. Али, Вали ва Ғулом бу стулларга ўттиришганда уларнинг қаршисидаги стуллар бўш қолди. Ҳар бир минутдан кейин болаларда биттаси ўрнидан туриб қаршисидаги стулга бориб ўтиради. 15 минутдан кейин болалар олдинги жойларида ўтирган бўлиши мумкин-ми?
Йўқ. Болаларнинг жойлашиш тартиби 15 (тоқ сон) марта ŏзгаради.
12. Топқирлар учун: 88888888 ёзувда рақамлар орасига (+) ишорасини қўйиб, 1000 сонини ҳосил
қилинг.
888+88+8+8+8.
13. Чалғитувчи савол: Нимани боғлаш мумкин-у, аммо ечиб бўлмайди?
Ришта
14. Японияда уруш вақтида ўз қўшинларига каптарлар ёрдамида хабар етказилаётганда бир муаммо пайдо бўлади. Яъни хабарни олиб кетаётган каптарни душман мерганлари уриб туширар ёки уларга йиртқич қушлар хужум қилар эди ва хабар керакли жойга етиб бормас эди. Шунда уддабурон японлар бу муаммонинг хам ечимини топишди ва хабарлар илгаригидек, керакли жойига хеч бир шикастсиз етиб бора бошлади. Улар каптарлар билан боғлиқ қандай янгиликни ўйлаб топишган?
Улар хатто тунда хам худди кундузгидек бемалол уча оладиган янги каптар зотини етиштиришди, натижада душман уни кўра олмайди, йиртқич қушлар эса уларга хужум қила олмайди.
15. Ёш болалар учун савол: Сув остида гугртни қандай ёқиш мумкин?
Сувни стаканга солиб, гугуртни унинг остидан ёқиш мумкин.
16. Мантиқий: Қуёш қайси давлатдан чиқади ?
Қуёш чиқмайди ер айланади
17. Конгода аҳоли унинг 500 тасидан, Индонезияда 250 тасидан, Суданда эса 117 тасидан фойдаланишади. У нима?
Тил.
18. Бола ўрмонда адашиб қолди. Ўрмондан чиқиб кетиш учун трубада оқаётган сув йўналишуни билиши керак. Сув оқаётган томонда уйи. Бола қандай қилиб труба ичидаги сув йўналишини билиб олиши мумкин?
Олов ёқиб, исиган сув оқим бўйлаб трубани ҳам иситиб боради.
19. Инсон ўзи яшедиган жойда 90 км узоқлашса нима бўлади?
Мусофир
20. Икки қурол бор, бири қора ва бири оқ. Қора қурол доим биринчи бўлиб жанга киради, оқ қурол эса унинг меҳнатини йўққа чиқаради. Агар қора қуролдан эҳтиётлик билан фойдаланилмаса оқ жангчидан фойдаланиш мумкин. Савол: бу икки қуролнинг номини топинг.
Қалам ва ўчирғич
21. Қайси кемани капитан эмас командир бошқаради?
Космик кемани капитан эмас командир бошқаради.
22. Дунёдаги энг ебтўймас мавжудот у экан. Чунки, у 2 соат ичида 40 та пашша ва чивинлврни еб битирар экан. У қайси мавжудот?
Ниначи.
23. Ривоят қилишларича, бир рассом дунёдаги энг гўзал нарсани сиймосини яратмоқчи бўлибди. Аммо, боши қотибди. Нима дунёдаги энг гўзал нарса бўлиши мумкин? Бу саволни йўлида учраган бир қарияга, ёш аёлга, аскар йигитга бериб кўрибди. Қария-меҳр, аёл-вафо, аскар-тинчлик деб жавоб берибди.”Хўш-деб ўйлабди рассом-дунёдаги энг гўзал нарса меҳр, вафо, тинчлик бўлса, ниманинг суратини чизишим керак?” шу хаёл билан уйига қайтибди ва бирдан саволига жавоб топибди. Рассом шу ондаёқ энг чиройли нарсанинг суратини чиза бошлабди.
Савол: Рассом ниманинг суратини чизган?
Рассом эшикдан ичкарига кириши билан оиласидаги меҳрли кўзларни, вафоли жилмайишларни ва уйидаги тинчликни кўриб, ўз оиласининг суратини чизибди. Уни “Дунёдаги энг гўзал манзара” деб номлабди.
24. 3 дона тухум 5 дақиқада қайнаб пишса 2 дона тухум қанча вақтда пишади?
икки дона тухум ҳам 5 дақиқада пишади.
25. Буюк ипак йўли савдогарлари асосан узоқ муддатга ярайдиган, сифатини йўқотмайдиган ва албатта йўлда айнимайдиган товарларбилан савдо қилишган. Вақт ўтиб шу нарса маълум бўладики улар айнимас деб билган бир маҳсулот йўл-йўлакай ўз сифатини йўқотиб борган. Савдогарлар буни олдини олиш мақсадида ўша маҳсулотни махсус қалин бўз қопларга солишиб пахта тойлари орасида олиб кетишган. Савол: гап қайси маҳсулот ҳақида кетмоқда?
Чой
26. Бу давлатнинг номи арабча сўздан олинган бўлиб «сув ўртасидаги қуруқлик,орол» деган маъноларни билдиради. Бу давлатнинг номи нима?
Жазоир.
27. Мантиқий савол: Қайси йўлдан ҳеч кимюрмайди, машиналар қатнамайди?
Сомон йўлидан.
28. Ёрдам беринг устозлар!
Сув бўйида олти ҳайвон Бўри сони қуёнлардан
Учта бўри, учта қуён. Асло ортиб кетмасин!
Дарёдан ўтиш сирин Акс ҳолда еб қўйишар
Билолмасдан улар ҳайрон Қуёнларнинг барчасин
Дарёда битта қайиқ Ёрдам беринг устозлар,
Кўтара олар иккитасин. Масалани ечишга
Қайиқни бошқаришни Вақт ғанимат улар шошар
Ҳайвонлар ўзи эпласин. Ўрмонларга кетишга.
Савол: 2 та ҳайвонни кўтара оладиган қайиқдан 3 та бўри ва 3 та қуён қандай ўтади. (Бўри сони қуёндан ортиб кетса қуёнларни еб қўйишади.)
Жавоб: аввал 2 та бўри ўтади, битта бўри қайтади ва 3- бўрини ҳам олиб ўтади, битта бўри қайиқни қайтаради ва бу сафар 2 та қуён кетади. кейин 1 та қуён ва 1 та бўри қайтади , энди 2 та қуён ўтади, охирида 1 та бўри (ёки 1 та қуён охирги бўрини олиб ўтса бўлаверади ) бўриларни ни олиб ўтади.
29. Бикфорд шнури текис ёнмайди ва аниқ 1 минутда ёниб тугайди. Шундай иккита шнур ёрдамида 45 секунд вақтни ўлчаш мумкинми?
Ҳа. Биринчи шнурни иккала учини ва иккинчи шнурни битта учини бир вақтда ёндирамиз. Биринчи шнур ёниб тугагандан кейин, иккинчи шнурнинг иккинчи учини ҳам ёндирамиз. Бу шнур ёниб тугаганда 45 секунд ŏтган бўлади.
30. Номини айтишингиз билан у йўқолади. У нима?
Сукунат. Шундай деб айтишингиз билан у йўқолади.
31. Синфда 36 та ўқувчига жой бор. 37- ўқувчига устоз ўзининг жойига ўтиришига рухсат берди. География дарси эди. Ўқувчиларга қуйидагича топшириқ берилди. Барча ўқувчилар дафтарлари варақларини юқори қисмига шимолни белгилаб, мактаб планини чизиб ховлидаги деразадан кўриниб турган дуб дарахтини жойлаштиришни айтди. Барча ўқувчилар 2 баҳо ва фақат устоз ўрнида ўтирган ўқувчи 5 баҳо олди.
Савол; Нима учун, устозни столида тўғри жавоб бўлганмиди?.
У ўқувчи шимолга қараб ўтирган, қолган ўқувчилар эса жанубга.
(Устозни топшириғини амалда топшириқ қилиб бериш ҳам мумкин. Энг қиззиғи энг паст ўзлаштирувчи ўқувчини тўғри йўналтириб ўтказиб қўйинг).
32. Уч хонали сон 4 рақами билан бошланади. Агар бу рақамни сонинг
3 охирига ўтказсак, берилган соннинг 3/4 қисмига тенг бўлган сон ҳосил
бўлади. Берилган сонни топинг.
432
33. Икки боғламда 30 та дафтар бор. Агар биринчи боғламдан иккинчисига 2 та дафтар олиб қўшилса, биринчи боғламда иккинчи боғламдагидан икки марта кўп дафтар қолади. Биринчи боғламда нечта дафтар бўлган?
22 та
34. Бир нарса бор 35 соатда тайёр бўлади буни кўпчилик себ истемол қилади у нима?
Тухум
35. Зилола билан Ҳилола қуйидагича ўйин ўйнашаяпти: Зилола юқорига танга отади, Ҳилола эса танганинг қайси томони билан эрга тушушини олдиндан айтиши керак. Агар танга Ҳилола айтган томони тушса, Зилола унга бу нечанчи танга отиш бўлса, шунча конфет беради, агарда Ҳилола тангани қайси томони билан тушушини топа олмаган бўлса, у Зилолага шунча конфет беради. а) Танга 11 марта отилганидан кейин Зилоланинг конфетлари сони олдингидек бўлиши мумкин-ми? б)30 марта отилганидан кейин-чи?
а) Йўққ; б) Ҳа.
36. Хитой ҳарбий академясига қандай йигитларни ўқишга олишмайди?
Уйқисида хуррак отадиганларни
37. Мантиқан ўйланг, ниманинг қаноти бор суза олмайди,кўзлари бор юмилмайди,оёқлари бўлмаса ҳам уни қувиб ета олмайсиз?
Балиқ.
38. Сарвар 5 та натурал сон ўйлади ва уларни квадратга оширди. Анвар бу квадратлар
орасида айирмаси 9 га бўлинадиган иккита сон бор деди. У ҳақми?
Ҳа, чунки соннинг квадратини 9 га бŏлганда қолдиқда фақат 0, 1, 4, ёки 7 қолиши мумкин.
39. Қизиқарли савол: Бўри ўлган қўйни қандай ейди?
бўри ўлган
40. 1502 йилнинг ёзида Флорентсия аҳолиси кўчаларда кўпинча ташқи қиёфаси ғалати бир кишини учратишарди. Унинг оқ оралаган узун сочлари бош кийими тагидан елкасига ёйилаган, соқоли юзини қоплаб, кўксига тушган эди. Қуюқ қошлари остидан синчков кўзлари термулиб турарди. Баланд йирик гавдасига кенг кийим ярашарди. Бу инсон ким эди?
Леонардо да Винчи.
41. Математик мантиқий савол: Зилола 96 варақли дафтар сотиб олди ва унинг хамма бетларини 1 дан 192 гача бўлган сонлар билан номерлаб чиқди. Хилола бу дафтарнинг қандайдир кетма_кет келган 50 бетини йиртиб олди ва бетларга ёзилган 50 та соннинг йиғиндисини ҳисоблади. Ҳилола йиғиндида 2008 ҳосил қила олмаслигини исботланг
Кетма-кет келган 50 та натурал соннинг йиғиндиси 2008 бŏла олмайди.
42. Бу ҳарф деярли дунёнинг барча алфавитларида 1 хил ёзилиши билан рекорд ўрнатган. бу қайси харф?
О
43. Тижортда рақобатга қарши учта қудратли қурол бор: 1. Сифат. 2. Нарх. 3-нима?
Реклама.
44. Ўзим ўта тортинчоқман. Доим бир чеккада тураман. Менинг тўртта шўх ва тўполончи акаларим бор. Улар мени жуда эҳтиёт қилишади. Лекин улар бошқалар билан ёқалашиб қолишса мен ҳам қараб турмайман. Ҳаммамиз бир бўлиб унинг ёқасидан оламиз. Акаларимдан кўра мен кўпроқ сулҳпарварман. Дарров мени элчи қилиб сайлашади. Тинчликка нима етсин. Савол: бу монологнинг муаллифини топинг.
Жимжилоқ бармоқ
45. Математикани яхши кўрадиганлар учун: Рақамлари ўрнини алмаштирганда 4,5 марта ортадиган икки хонали сонни топинг.
18
46. Ўзбекистонда шундай бир дарахт бор эрта баҳорда ғарқ гуллайди аммо мева бермайди.Шунинг учун ҳам фарғоналиклар уни вадабоз деб ҳам аташади.
Савол:Бу таъриф қайси дарахтга берилган?
Тол
47. Оддий савол: Ўрта бўйли эркак қаҳвахонага кирди ва нон, қаҳва,салат ва таом буюртирди. Офицант савол берди
-сиз ўт ўчирувчимисиз?
-ҳа
Офицант бу келишган эркакни ўт ўчирувчи эканлигини қаердан билди?
Формасидан.
48. Мантиқий: Сарой ва кулба ёнаяпти. Милиция ходимлари биринчи қайси бирини ўчиради?
Менимча тўғри топгандингиз, милиция ходимлари ўт ўчирмайди.
49. Бу таом номи туркчада «товада пишириладиган овқат» деган маънони билдиради. Бу грузин халқининг миллий таомидир. Уни ҳаммамиз севиб истеъмол қиламиз. Бу таом қандай аталади?
Табака.
50. 9 та шестерна (тишли доиралар) қуйидагича жойлаштирилган: биринчи шестерна
иккинчиси билан, иккинчиси учинчиси билан, … , саккизинчиси тўққизинчиси
билан, тўққизинчиси эса биринчиси билан туташтирилган. Собир биринчи шестернани
соат милининг ҳаракати йўналишида айлантирди. Қандай ҳодиса рўй беради? Нима
учун?
Собир шестернани айлантира олмайди. Чунки ёнма-ён жойлашган шестерналар ҳаракатларининг йŏналишлари қарама-қарши бŏлади.
51. Пашша , чивин ,ари илон ва шунга ўхшаган мавжудодлар қишда қандай кун кўришади? ?
Бундай мавжудодлар совуқ қон бўлганликлари учун совуқда музлайдилар . Кунлар исиши билан яна харакатга келиб кетишади
52. Эчки олти ёшдан кейин нима бўлади?
Етти ёшга киради
53. Ушбу фин топишмоғи анча мазмунли ва мантиқли.Яхшилаб тинглаб чуқур ўйланинг
Денгиз бўйидаги бир тўнка устига
Ўтириб у зўр хониш қилмоқда
Мендан ҳамма баб-баровар қўрқади
Қўрқмаса ҳам яқинлашсам хавотирга тушади
Менинг ўткир нигоҳимдан қария ҳам
Гўдаклар ҳам ҳатто қочиб қутилмас
Фақат денгиздаги балиқларгаҚўлим етмас тишим ўтмас
Савол: Денгизга қараб хаёл сурган шумтакани топинг?
Денгизга қараб хаёл сурган шумтака сизу бизнин гжиғимизга тегадиган пашша.
54. 30 диаметрли пицанинг нархи 30 $. 40 диаметрли пицанинг нархи 40$, қайси писсани сотиб олиш фойдали.
C=2 c=2 =450 c=2 =800
30:450= 0,0(6) 40:800=0,05 0,0(6)>0,05
Бундан келиб чиқадики, харидорга 40 диаметрли пицани оган фойдали, сотувчига 30 диаметрли пицани сотиш фойдалидир.
55. Машҳур француз адибларидан бирининг Эйфел минорасини кўришга кўзи йўқ эди. Аммо у ҳар куни Эйфелнинг биринчи қаватида тушлик қиларди. Бу ҳолатни қандай қилиб изоҳлаш мнумкин?
Парижда фақат Эйфелнинг 1- қаватидагина бу улкан минорани кўрмаслик мумкин.
56. Бирдан юзгача бўлган сонлар орасида кўпи билан нечта соннинг рақамлари йиғиндиси бир хил?
10
57. Математик савол: Шахмат тахтасининг а1 катагида турган от ҳар бир катакка бир мартадан юриб, охирида ҳ8 катагига келиши мумкинми?
Мумкин эмас. Чунки бу от тоқ юришлардан кейин оқ рангли катакда, жуфт юришлардан кейин эса қора рангли катакда болади. А1 (қора) катакдан ҳ8 (қора) катакка ( масала) шартида айтилгандек қоида билан бориш учун 63 та юриш бажариш керак.
58. Қизил ва қора автомобиллар биргаликда 190 $. Қизили қорасидан 100$ қимматроқ. Қора автомашинанинг нархини топинг.
Қизил ва қора автомобиллар биргаликда 190 $. Қизили қорасидан 100$ қимматроқ. Қора автомашинанинг нархини топинг.
Ечиш: х+х+100=190 2х=190-100 2х=900 х= 45 Жавоб: 45 $
59. Ақлли ўқувчилар учун савол: Кўчада кетаётиб яшил одамни кўрсак нима қиламиз?
Яшил одам — йўл белгиси, йўлни кесиб ўтамиз.
60. Бодрираллар айтган: «У турмани маҳбуслар билан тўлдириб турувчи хизматкордир». У нима?
Ичкилик.
61. Эътибор беринг, одам қандай қилиб 8 кун ухламаслиги мумкин?
8 кун ихламаган одам 8 тун ухлайди.
62. Паллали тарозининг паллаларига битта 7 граммлик, бир нечта 6 граммлик ва бир нечта 8 граммлик тошларни жойлаштириб, тарозини мувозанат ҳолатга келтириш мумкин-ми?
Йўқ. Битта паладаги тошлар оғирлиги тоқ, иккинчи палладаги тошлар оғирлиги эса жуфт сон билан ифодаланади.
63. Мантиқий ўйлаб топинг, қандай олов кечаю кундуз ёниб турса ҳам хонанаи иситмайди?
Суратдаги олов.
64. Бир машҳур шифокор ҳузурига бир аёл келиб менга озишнинг йўлларини ўргатинг дебди. Шифокор аёлга менга қаранг, бошингизни ўнгга қаратинг, чапга қаратинг, мана шу ҳаракатни тез-тез қилиб туринг дебди. Савол: аёл бу ҳаракатни қачон қилай деб сўраганда шифокор нима деб жавоб берган?
Овқат ейсизми деб сўрашган вақтда
65. Ўткир Ҳошимовнинг «Дафтар ҳошиясидаги битиклар» ида шундай ёзилган: «Иккита энг ҳолис ҳакам синовидан ўтган асар ҳақиқий асардир. Биринчиси табиийки, китобхон. Иккинчиси нима?
Вақт.
66. Нуриддин доим фудбол бошланишидан олдин аниқ ҳисобни айта олади. Шунақа ҳам бўлиши мумкинми?
Футбол бошланишидан олдин ҳисоб 0:0 бўлганлиги учун Нуриддин шу ҳисобни айтарди.
67.
8 туп олма дарахти бир қаторда жойлашган. Ёнма-ён жойлашган дарахтлардаги
мевалар сони 1 тага фарқ қилади. Барча туплардаги олма мевалари сони 2007 та
бўлиши мумкин-ми?
Мумкин эмас. Тоқ сондаги меваси бор дарахтлар сони 4 та.
68. Икки қўшни битта гаражга машиналарини қўйишади. Гаражни қулфлаш учун хар бирида алохида қулф ва алохида калитлари мавжуд, Иккиси икки маҳалда гаражни очишади. Улар бир-биридан айро қандай очиб -ёпиб юрган.
иккита осма қулфни бир=бирига занжир сифатида фойдаланишган.
69. Жаҳонгир верталётга чиқди. Олдида от, отнинг орқасида машина Жаҳонгир қаерда?
Болалар майдонидаги каруселда.
70. Бу сон аёллар учун 803 эркаклар учун 1401 болалар учун 106 ўлганлар учун нечи?
905 яни 9.05 , 9 май
71. Мантиқий: Ёмғирда қўлида соябони бўлмаса ҳам, бош кийими бўлмаса ҳам кимнинг сочлари хўл бўлмайди?
Кал одамнинг.
72. Индонезиянинг Бали оролида яшовчи ҳар бир инсон умрида уч маротаба ибодатхонага замбилда келтирилади: биринчи марта-йигит ёки қиз балоғатга етганида, иккинчи марта-никоҳ тўйида. Учинчи марта қачон?
Биринчи ўғил кўрганда.
73. У қозоқларда «курес», грузинларда «чидаоба», арманларда «кох», озарбайжонларда «гюлеш» деб аталади. У ўзбекларда қандай номланади?
Кураш
74. Улар алдаган кишиларни ёқтиришмайди. Аммо ўзлари ҳам нуқул алдайдилар. Алдаш уларнинг касбининг моҳияти, алдашгани сайин одамларнинг ишончини қозонадилар. Савол: алдоқчилар деб ким назарда тутилмоқда?
Футболчилар
75. У мустаҳкамлик жиҳатдан пўлат симга ўхшайди уни узиш қийин бўлиб бир квадтат миллиметирни узиш учун 50 кг куч керак бўлади ,у нима?
Ипак
76. Сизга оролда яшайдиган Али ва Вали дуч келишди. Али деди: “бизлар рицармиз”.
Вали деди “Менинг ёнимда турган одам ёлғончи бўлади”. Улар кимлар?
Али рицар эмас, акс ҳолда Вали ёлғончи бŏлар эди. Бу эса Алининг
рицарлигига зид. Вали рицар.
77. Қайси сўзни доимо “Нотоғри” ёзамиз?
“ Нотоғри ” сўзини.
78. Инсон терисини энг қалинн ва энг юпқа жойи қаерда?
Кўзни тепа қисми қовоқ ва товон
79. Санкт Петербургдаги Ёзги боғда бир ҳайкал бор. Унинг атрофида ҳар доим болалар гавжум. Ўриндиқда ўтирган қария чуқур ўйга толган, унинг пойида ҳайвонларнинг бронза ҳайкалчалари. Бу одам ким?
Иван Андреевич Крилов ва унинг масаллари қаҳрамонлари.
80. Тепадан пастга нима ўсади?
Томир
81. Мантиқан ўйлаб жавоб беринг, Азизанинг никоҳ узуги қаҳвали финжонга тушиб кетди, лекин ҳўл болълмади. Қандай қилиб?
Ҳали қайноқ сув қуйилмаган эди.
82. Қирол ой давомида ҳар куни ширинлик сифатида пирожнийнинг икки турини
буюрди. Агар қайсидир икки кунда ширинликлар бир хил бўлиб қолса, ошпазнинг
боши кетади. Ошпаз боши кетмаслиги учун пирожнийнинг неча хилини
пиширишни билиши керак?
9 хилини
83. Улуғ мутафаккир Мир Алишер Навоий бу сўзнинг ҳар бир ҳарфига бир маъно берганлар. Бу сўзда иттифоқлик, саодат, латофат, оқибат ва муҳаббат мужассамлашгандир. Бу қайси сўз?
Ислом.
84. Бир даврали футбол мусобақасида “ПАХТАКОР” бошқа ҳамма жамоалардан кўп гўл ўтказиб юборди ва кўп гўл киритди. У оҳирги ўринни олиши мумкинми?
Ҳа
85. Санкт-Петербургда янги техника магазине очилди. Унинг номи Титаник эди. Тез орада унга рақобатчи магазине пайдо бўлди. Мантиқан ўйлаб рақобатчи магазиннинг номини топинг.
Айсберг
86. Юмиқ кўзлар билан нима кўриш мумкин?
Туш
87. Иккита ҳарфли уcта ҳайвон бор улар қайсилар?
Ит , от , ке. КE бу мушиксимонлар оиласига мансуб бўлиб саванна ўрмонларида яшайди
88. Жўжани боласи нима дейилади ?
Жўжани боласи йўқ
89. Катталар учун савол: Бу сўз араб тилидан олинган бўлиб «тирикчилик, умр кечириш, яшаш» деган маъноларни билдиради. Лекин ҳозирги кунда бу нарса яшаш ва умр кечириш учун унчалик ҳам етмаслиги мумкинлигини кўриш мумкин. Бу қандай сўз?
Маош.
90. Ибтидоий давирларда ит билан бўрини кўриш қобиляти бирхил бўлга .Итни одамлар боқиша бошлагандан кейин кўриш қобиляти пасайган бунга сабаб нима?
Тузли овқатлар
91. Сой жуда тезлик билан шовуллаб оқяпти. Тепасидаги дарахтда хўроз ўтирибди. Хўроз тухум туғса тошга тегиб синадими ёки оқиб кетадими?
Хўроз тухум туғмайди.
92. Югурганда инсонни қайси аъзоси терламайди?
Қулоғи
93. Бу овозни эшитган қоплон ириллашдан, сиртлон увиллашдан тўхтайди, маймунлар аюҳаннос солиб дарахтларнинг энг баланд шоҳларига чиқиб кетади, кийиклар, оҳулар яшин тезлигида кўздан ғойиб бўлади, подада маъраётган қўй, эчкиларнинг овози ўчади, туялар арқонини узиб қочади, отлар олдиниг икки оёғини тик кўтариб, оғир ҳансираб, кишнай бошлайди ва зўр бериб орқасига тисарилади, итлар думини қисиб эгасининг пинжига киради. Бу овозни эшитганда ҳатто одам ҳам безгак тутгандек қалтираб, бекиниш учун жой ахтаради. Бу қандай овоз?
Шер наъраси.
94. Ёш математиклар учун: Икки хонали соннинг рақамлар йиғиндиси энг катта бир хонали сонга тенг. Ўнлар хонасидаги рақам эса, бу йиғиндидан 2 га кам. Шу сонни топинг.
72
95. Икки бутун сонни қўшишда ўқувчи иккинчи қўшилувчининг охирига ортиқча нол қўйиб юборди. Натижада 2411 сонининг ўрнига 6641 сони ҳосил қилди. Иккинчи қўшилувчини топинг.
470
96. Алишер Навоий Амур Темурга қайси тилда хат ёзган?
Улар бошқа асрларда яшаган
97. Бир ўсимлик бор у эрдан ўсиб чиқиб томиридан ўзи вос кечади кейин яна яшайверади . Савол бу қайси ўсимлик
зарпечак ёки чирмовуқ
98. Дунёда зилзила бўлиш хавфини ҳамма нарсадан олдиндан сезизш қобилятига эга бўлган жонзод?
Дунёда зилзила бўлиш хавфини ҳамма нарсадан олдиндан сезизш қобилятига эга бўлган жонзод?
Илон
99. Тимсохлар сув остига чуқурроқа шўнғиши учун нима қилишган?
Тош ютишган
100. Улар бамисоли «тирик консервалар». Уларни кемаларга тўлдириб олиб кетилаверганлигининг боиси ҳам шундадир. У нима?
Баҳайбат тошбақалар.
Манба: Baxtiyor.uz