Elbek haqida batafsil ma’lumotlar, tarjimai hol

Mudhish qatagʻon davri qurboniga aylangan oʻzbek adabiyotining koʻzga koʻringan vakillaridan biri Elbek (Mashriq Yusupov)dir. U 1898 yilda Toshkent viloyati Boʻstonliq tumanining Xumson qishlogʻida tavallud topgan.

“Men, – deydi shoir oʻz tarjimai holida, – 1905 yilda eski qishloq maktabiga kirib oʻqidim. Bu maktabda toʻrt yil oʻqib, oʻquv, yozuvni oʻrgandim… 1910–1911 yillarda juda qiynaldik va shuning natijasida boshqa aka-ukalarim qatori men ham uyni tashlab ketishga majbur boʻldim”.

Elbek 1911 yili Toshkentga kelib, bir boyga qarol boʻlib yollanadi. Ayni paytda Toshkentning Eski shahar mavzeidagi Devonbegi mahallasida joylashgan “Xokiy” maktabida, 1914 yili Shayxontohur mahallasidagi “Namuna” nomli maktabda oʻqishni davom ettiradi. Shu bilan birga, bosmaxonada ishlab, gazetalar sotish bilan kun koʻradi.

Elbek 1919 yili sakkiz oylik muallimlar kursini bitirib, erlar bilim yurtida, pedagogika texnikumida oʻqituvchilik qiladi. 1921 yildan boshlab Turkiston Xalq maorifi komissarligi qoshidagi ilmiy muassasalarda faoliyat koʻrsatadi. Oʻsha davrda nashr etilgan “Maorif va oʻqitgʻuvchi”, “Inqilob”, “Bilim oʻchogʻi” kabi jurnallar bilan hamkorlik qiladi.

Elbekning dastlabki sheʼrlari “El bayrogʻi”, “Turon”, “Turk soʻzi”, “Ulugʻ Turkiston” kabi gazetalarda bosilib chiqqan. 1922 yilga kelib uning “Bir soʻroq”, “Oʻksizning oʻlimi”, “Qargʻa”, “Bibixonim madrasasi”, “Turkiston” kabi sheʼrlari “Oʻzbek yosh shoirlari” (1922) toʻplamida Fitrat va Choʻlpon sheʼrlari bilan birga eʼlon qilingan.

Shoirning ilk toʻplami – “Armugʻon” 1920 yil nashr etilgan boʻlib, u asosan, masallardan iborat edi. Uning dastlabki sheʼrlarida koʻzga tashlangan mavhumlik bu toʻplamdagi “Qaysi biri boʻri” masalida ham sezilib turadi. Ammo “Kuchsizlar dunyosi” masalida shoirning niyat va maqsadi xiyla yorqinlik kasb etganki, bu hol muallif ijodi shakllanib borayotganidan darak beradi. Mazkur masalda tasvirlanishicha, endi azob chekkan el qonxoʻrlikdan oʻch olish uchun kurashga kirishadi. Shoir bosqichma-bosqich mahorat sirlarini egallab bordi.

Oʻz ijodining tetapoya holatida ekanini sezgan Elbek “Mening hikoyam” sheʼrida “Men hali bitta ham sheʼr aytmadim, faqat sheʼr yoʻlidan qaytmadim”, – deb bejiz aytmagan. Yana u bunday yozgan:

Shoirlikdan maqsad, soʻz koʻchirishmas,

Sheʼrda ham maqsad-oʻy oʻchirishmas,

Shoirlik maʼnoni tiza bilishdir,

Mazmunni rassomdek chiza bilishdir.

Elbekning keyinchalik yaratgan “Mehnat kuylari” (1930), “Gʻunchalar” (1935), “Chirchiq boʻylarida” (1935), “Ashulalar toʻplami”, “Bolalar qoʻshigʻi”, “Sheʼrlar toʻplami” (1936) kabi kitoblaridagi sheʼrlarida shoir dunyoqarashidagi, badiiy mahoratidagi takomillik “manaman” deb turadi. Ayniqsa, shoirning “Sezgilar” toʻplamiga kirgan qator sheʼrlari oʻzining daʼvatkorligi bilan ajraladi.

Elbek qator sheʼriy toʻplamlar yaratibgina qolmay, oʻnlab dostonlar ham ijod etgan. Uning “Goʻzal qiz” (1927), “Bizniki”, “Paxta”, “Oʻtmishim”, “Chirchiq” (1929), “Batrak kolxozi” (1930), “Tozagul”, “Oʻzbekiston” (1934), “Bogʻbon”, “Mergan”, “Etik” (1935) asarlari shular jumlasidandir.

Elbek bolalar shoiri sifatida ham ancha barakali ijod qildi. Uning “Armugʻon” toʻplamidagi “Gʻunchalar”, “Chirchiq boʻylarida” hamda “Kambagʻal yigit va pardasturxon”, “Omonat”, “Erksiz polchi”, “Ona”, “Bolalar qoʻshigʻi” kabi bir qator sheʼrlari, dostonlari, ballada va ertaklari fikrimizning dalilidir. Ayni chogʻda adib “Yozuv yoʻllari”, “Oʻrnak”, “Boshlangʻich maktabda ona tili”, “Goʻzal yozgʻichlar” (1924) kabi qator darslik va qoʻllanmalar muallifi sifatida ham maʼlumdir.

Elbek hikoyanavis sifatida ham adabiyotimiz tarixida iz qoldirgan. Uning “Dadamat” (1936) toʻplamiga kirgan “Chirchiq”, “Men kim boʻlaman”, “Ana”, “Anorgul”, “Qahhorxoʻja”, “Dadamat” kabi hikoyalari adibning durustgina nosir boʻlganligidan ham dalolat beradi.

Elbek bor-yoʻgʻi qirq yil yashadi. U ham “xalq dushmani” sifatida 1937 yilning 7 avgustida qamoqqa olinib, 12 yilga ozodlikdan mahrum qilindi, oxir-oqibat ogʻir kasallik tufayli Magadanda vafot etdi. Ammo, Elbek, oʻzi yozganidek, adabiyotimiz boʻstoniga turfa gullar ekib ketganligi bilan hamisha barhayotdir.

“Oʻzbek adiblari” (S. Mirvaliyev, R. Shokirova. Toshkent, Gʻafur Gʻulom nomidagi adabiyot va sanʼat nashriyoti 2016) kitobidan.

Элбек (Машрик Юсупов) – один из видных представителей узбекской литературы, ставший жертвой страшных репрессий. Он родился в 1898 году в селе Гумсон Бостонлыкского района Ташкентской области.

«Я, — говорит поэт в своей биографии, — в 1905 году поступил в старую сельскую школу и учился». Я проучился в этой школе четыре года, научился читать и писать… В 1910-1911 годах у нас было много бед, и в результате мне вместе с другими моими братьями пришлось уйти из дома».

Эльбек приехал в Ташкент в 1911 году и был нанят богатым человеком. В настоящее время он продолжает учиться в школе «Хокий», расположенной в микрорайоне Девонбеги района Старого города Ташкента, а в 1914 году в школе «Намуна» микрорайона Шайхонтохур. При этом он зарабатывает на жизнь, работая в типографии и продавая газеты.

В 1919 году Эльбек окончил восьмимесячные учительские курсы и стал преподавателем Земельного педагогического института педагогического техникума. С 1921 года работает в научных учреждениях при Комиссариате народного просвещения Туркестана. Он сотрудничает с издававшимися в то время журналами «Маариф ва окитгувчи», «Инкилоб», «Билим очоги».

Первые стихи Эльбека были опубликованы в таких газетах, как «Эл Байроги», «Турон», «Тюрк сози», «Улуг Туркестан». К 1922 году такие его стихи, как «Бир Сорок», «Гибель Оккиза», «Ворона», «Медресе Бибиханум», «Туркестан» были опубликованы в сборнике «Молодые узбекские поэты» (1922) вместе со стихами Фитрата и Чолпона.

Первый сборник поэта — «Армугон» вышел в свет в 1920 году, он состоял в основном из притч. Абстракция, подчеркнутая в его ранних стихах, заметна и в притче «Кайси бири бори» в этом сборнике. Но в притче «Мир слабых» замысел и цель поэта обрели яркость, что свидетельствует о том, что творчество автора складывается. Как описывается в этой притче, теперь пораженный народ будет сражаться, чтобы отомстить за кровожадных. Секреты мастерства поэт осваивал шаг за шагом.

Чувствуя, что его дело стоит на месте, Эльбек сказал в стихотворении «Моя история», что «я еще не написал ни одного стихотворения, только не свернул с пути поэзии». Он снова написал:

Цель поэзии не в том, чтобы копировать слова,

Даже в стихотворении цель-мысль не стирается,

Поэзия знает смысл,

Умение рисовать контент как художник.

В более поздних стихотворениях Эльбека, таких как «Мехнат куйлари» (1930), «Гунчалар» (1935), «Чирчик Боярида» (1935), «Ашулалар Топали», «Детская песенка», «Сборник стихов» (1936), мировоззрение поэта, художественное совершенство в мастерстве означает «манаман». В частности, своей привлекательностью отличаются стихи поэта, вошедшие в сборник «Сезгилар».

Эльбек создал не только ряд поэтических сборников, но и десятки былин. Его «Красивая девушка» (1927), «Бизники», «Хлопок», «Мое прошлое», «Чирчик» (1929), «Батракский колхоз» (1930), «Тозагуль»,Среди них произведения «Узбекистан» (1934), «Садовник», «Мерган», «Этик» (1935).

Эльбек также создал очень благодатное произведение как детский поэт. Ряд его стихов, былин, романсов и сказок из сборника «Армугон», таких как «Бутончики», «На чирчикской бояриде» и «Бедный мальчик и Пардастурхан», «Амонат», «Эрксиз полчи», «Мать», «Детская песенка» тому подтверждение. В то же время писатель известен и как автор ряда учебников и пособий, таких как «Способы письма», «Пример», «Родной язык в начальной школе», «Красивые тетради» (1924).

Эльбек оставил след в истории нашей литературы и как писатель-рассказчик. Такие его рассказы, как «Чирчик», «Мэн ким боламан», «Ана», «Аноргуль», «Кахорходжа», «Дадамат», вошедшие в сборник «Дадамат» (1936), свидетельствуют о том, что писатель был поистине плодовит.

Эльбек прожил всего сорок лет. Он также был заключен в тюрьму как «враг народа» 7 августа 1937 года и приговорен к 12 годам лишения свободы, в конце концов умер от тяжелой болезни в Магадане. Однако Эльбек, как он писал, всегда жив, как много цветов посажено в саду нашей литературы.

Из книги «Узбекские писатели» (С. Мирвалиев, Р. Шокирова. Ташкент, Изд-во литературы и искусства им. Гафура Гулома, 2016).