Imomi A’zam zakovati — Islomiy hikoya

Imomi A’zam zakovati - Islomiy hikoya

Mazhabboshimiz Imomi A’zam Abu Hanifaning (rahmatullohi alayh) taqvolari, ibodatlari va ilmlari haqida juda ko‘p gapirilgan, yozilgan. Quyida e’tiboringizga Vasliy Samarqandiyning “Imomi A’zam hayoti haqida qimmatli so‘zlar” kitobidan olingan parchani havola qilamiz. Unda ulug‘ imom zakovatining yana bir qirrasini ochib beradigan qiziqarli ma’lumotlar beriladi.

* * *

Imomi A’zamni do‘st ko‘rmaydigan bir kimsa u zotdan so‘radi: “Jannatni umid qilmaydigan, do‘zaxdan qo‘rqmaydigan, o‘limtik yeydigan, ruku va sajdasiz namoz o‘qiydigan, ko‘rmagan narsasiga guvohlik beradigan, haqni yomon ko‘radigan va fitnani yaxshi ko‘rib, rahmatdan qochadigan, yahudiy va nasroniylar so‘zlarini tasdiqlaydigan kishi haqida nima deysiz?”

– U odam Alloh taoloning haqiqiy do‘stlaridandir. Negaligini bayon qilsam, tilingni yomon so‘zlardan tiyasanmi?

– Ha, tilimni behuda so‘zlardan tiyib tavba qilaman.

– Uning sifati bunday: u odam jannatni umid qilmaydi, balki jannatning Parvardigorini umid qiladi; do‘zaxdan qo‘rqmaydi, balki do‘zaxning Parvardigoridan qo‘rqadi; baliqning o‘limtigini ham yeydi; janoza namozini ruku va sajdasiz o‘qiydi; Alloh taolo bilan Payg‘ambarni ko‘rmasdan, Xudoning birligi va borligiga hamda Muhammad (alayhissalom) Xudoning bandasi va payg‘ambari ekaniga guvohlik beradi; Alloh taologa uzoq yil toat qilmoq uchun o‘limni yomon ko‘radi; mol-dunyo va farzand fitna bo‘lsa ham, yaxshi ko‘radi; yomg‘ir Allohning rahmati bo‘lsa ham, undan qochadi; “Yahudiylar: “Nasroniylar hech narsada yo‘q” desalar, nasroniylar: “Yahudiylar hech narsada yo‘q”, deydilar…” (Baqara, 113) oyatini tasdiqlaydi.

Shunda savol so‘ragan kishi o‘rnidan turib, Imomi A’zamning qo‘llarini o‘pdi va: “Guvohlik beraman, mazhabingiz haqdir, endi inkorim qolmadi”, dedi.

* * *

Ibn Muborak Imomi A’zamdan so‘radi: “Qaynab turgan qozondagi ovqatga bir uchar qush tushib o‘lsa, qozondagi go‘sht bilan sho‘rvaning hukmi qanday bo‘ladi?” Imomi A’zam ulamo shogirdlaridan: “Sizlar nima deysiz?” deb so‘radi. Shogirdlari Ibn Abbosdan (roziyallohu anhu) rivoyat keltirdilar, “Sho‘rvani to‘kib, go‘shtini yuvib, yesa bo‘ladi”. Imomi A’zam (rahmatullohi alayh) aytdi: “Bu fatvo qozon qaynamay turgan vaqtda to‘g‘ri bo‘ladi. Ammo qaynab turgan vaqtda go‘shtni ham tashlab yuborish kerak. Zero, najas go‘shtning ichiga ta’sir qilib, iflos qiladi. Qaynamagan paytda esa, najas go‘sht ichiga ta’sir qilmaydi, shuning uchun toza suvda yuvish bilan pok bo‘ladi”. Hamma ulug‘ imomning zakovatiga qoyil qoldi.

* * *

Kunlarning birida Imomi A’zamning qo‘shnisining tovusi yo‘qoldi. Qo‘shni Imomi A’zamga kelib: “Tovusimni o‘g‘ri olibdi, endi nima qilaman?” dedi. Imomi A’zam masjidga bordilar. Mahalla odamlarini ham yig‘dilar. Imomi A’zam hech kimni ko‘rsatmay baland ovozda: “Bu odamni qarang, qo‘shnisining tovusini o‘g‘irlabdi, yana uyalmasdan namoz o‘qiyman, deb masjidga kelibdi. Holbuki, uning boshida tovusning patlari ko‘rinib turibdi”, dedilar. Shunda bir kishi shoshib boshini qoqqan bo‘ldi. Imomi A’zam unga aytdi: “Endi sen tovusni qaytarib bergin”. U Imomning aytganini qildi.

* * *

Bir xotin egizak tug‘di. Bu ikki bolani orqasi bir-biriga yopishgan edi. Ularning biri o‘ldi. Kufa ulamolari “Har ikkovi ko‘miladi”, dedilar. Ammo Imomi A’zam: “O‘lgani tuproqqa ko‘milsin, tirigi to ajralgunicha tuproqning ustida tursin”, dedi. Hazrat Imomi A’zam aytganlarini qilishdi. Bir kuni tirigi ajraldi va uzoq umr ko‘rdi. Odamlar unga “Imom A’zamning o‘g‘li” degan laqab qo‘yishdi.

* * *

Bir guruh dahriylar hazrat Imomi A’zamni o‘ldirmoqchi bo‘lishdi. Imomi A’zam: “Sizlardan bir masala so‘rayman, keyin xohlaganingizni qilasiz”, dedi va: “Bir kemaning ichi to‘la mol bo‘lsa va dengiz to‘lqinli bo‘lsa, kemachi bo‘lmasa, bu kema o‘z-o‘zidan najot topib, biror tarafga keta oladimi?” deb so‘radi. Dahriylar: “Mumkin emas, bu ish mushkuldir”, deb javob berishdi. So‘ngra Imomi A’zam aytdi: “Bu dunyoning borligi, atrof-muhitning o‘zgarib turishi, olamda jarayon etayotgan shuncha ishlar bir yaratuvchi va boshqarib turuvchisiz sodir bo‘la oladimi?” Shunda hamma dahriylar tavba qilib, yarog‘larini g‘ilofiga solishdi va Tangri taoloning bir va borligiga imon keltirishdi.

“Hidoyat” jurnalining 2012 yil, 12-sonidan olindi.

Manba: islom.ziyouz.com
Ma’lumotlarni rus tilida o‘qing👇
Много сказано и написано о благочестии, молитвах и знаниях имама Азама Абу Ханифы (да благословит его Аллах и приветствует). Ниже предлагаем вашему вниманию отрывок из книги Васли Самарканди «Ценные слова о жизни имама Азама». В ней содержится интересная информация, раскрывающая другую сторону мудрости великого имама.

* * *

Человек, не считающий Имама Азама другом, спросил его: «Тот, кто не надеется на рай, не боится ада, ест смертоносную пищу, молится без поклона и земного поклона, кто свидетельствует о том, чего не видел, что делать вы говорите о ненавидящем истину и любящем зло и избегающем милости, который подтверждает слова иудеев и христиан?»

— Этот человек является одним из истинных друзей Аллаха. Если я скажу тебе, почему, ты придержишь язык?

— Да, каюсь, удерживая язык от бесполезных слов.

— Его качество таково: тот человек не надеется на небо, а надеется на Господа небес; он не боится ада, но он боится Господа ада; он также ест мертвую рыбу; совершает заупокойную молитву без поклонов и земных поклонов; Не видя Аллаха и Пророка, он свидетельствует о единстве и существовании Бога и о том, что Мухаммад (мир ему) — Божий раб и пророк; Он ненавидит смерть, чтобы долго повиноваться Богу Всевышнему; любит богатство и детей, даже если они заговор; даже если дождь — милость Божия, он избегает его; «Если евреи говорят: «У христиан ничего нет», христиане говорят: «У евреев ничего нет»» (Бакара, 113) подтверждает этот стих.

Тогда человек, задавший вопрос, встал, поцеловал руки имама Азама и сказал: «Свидетельствую, что ваша секта истинна, я больше не могу это отрицать».

* * *

Ибн Мубарак спросил имама Азама: «Если летящая птица упадет в кипящий котел и умрет, каково решение о мясе и супе в котле?» Имам Азам спросил учеников ученых: «Что вы скажете?» он спросил. Его ученики передали от Ибн Аббаса (да благословит его Аллах и приветствует): «Вы можете налить суп, помыть мясо и съесть его». Имам Азам (да благословит его Аллах и приветствует) сказал: «Эта фетва верна, когда котел не кипит. Но мясо следует выбросить, пока оно варится. Ведь экскременты воздействуют на внутреннюю часть мяса и делают его грязным. Когда его не варят, экскременты не влияют на мясо, поэтому оно становится чистым, промывая его в чистой воде. Все восхищались умом великого имама.

* * *

Однажды у соседа имама Азама пропал голубь. Сосед подошел к имаму Азаму и сказал: «Вор украл моего павлина, что мне теперь делать?» сказал. Имам Азам пошел в мечеть. Они также собрали жителей района. Имам Азам, никого не показывая, громко сказал: «Посмотрите на этого человека, он украл голубя у своего соседа, и он пришел в мечеть, сказав, что он снова будет молиться без стыда. Однако на его голове видны павлиньи перья». Затем мужчина поспешно ударил его по голове.Имам Азам сказал ему: «Теперь верни павлина». Он сделал то, что сказал Имам.

* * *

Женщина родила близнецов. Эти двое детей были прижаты друг к другу. Один из них умер. Ученые Куфы сказали: «Они оба будут похоронены». Но имам Азам сказал: «Пусть мёртвый будет зарыт в землю, а живой должен стоять на земле, пока она не отделится». Хазрат Имам Азам сделал то, что сказал. Однажды живые расстались и прожили долгую жизнь. В народе его прозвали «сыном имама Азама».

* * *

Группа Дахри пыталась убить Хазрата Имама Азама. Имам Азам сказал: «Я задам вам один вопрос, тогда вы будете делать, что хотите» и сказал: «Если корабль полон товаров, а море неспокойно, если нет матроса, то этот корабль мертв. спастись и уйти куда-нибудь?» он спросил. Дахри ответили: «Это невозможно, это трудная работа». Тогда имам Азам сказал: «Может ли существование этого мира, меняющаяся среда, столько всего, что происходит в мире, происходить без одного творца и управляющего?» Тогда все Дахри покаялись, вложили оружие в ножны и уверовали в Единство Бога.

Взято из журнала «Хидаят», 2012, № 12.

Источник: islam.ziyouz.com
[/spoiler]

Если вам понравилась статья, поделитесь ею с друзьями в социальных сетях.
Sirlar.uz

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: