Hayotda nima xohlashingizni bilmaysizmi? Unda albatta o`qing!

Ҳаётда нима хоҳлайсиз?

Ushbu qo`llanma anchadan beri yoki yaqin kunlardan boshlab o`z-o`zini va yaqinlarini tushkunlik kayfiyatidagi “Men hayotdan nima xoxlashimni bilmayman!” degan nola bilan qiynab yurganlarga mo`ljallangan.

Demak Siz hayotdan nima xoxlashingizni bilmaysiz? Buni aniqlashni, bu savolingizga kimdir javob berishini istaysiz, shundaymi? Unda yaxshilab eshitib oling: Men ham Siz nima xoxlashingizni bilmayman! -)
Ota-onangiz ham, aka-ukalaringiz ham, yer yuzidagi hech bir inson Siz nima xoxlashingizni bilmaydi! SHuning uchun ularni bu savol bilan qiynamang, baribir to`g`ri javob ololmaysiz. CHunki ularning tanasi boshqa, ular Sizga o`xshagan emas, xuddiki Siz ham ularga o`xshamagandek.
Hech kim Siz uchun his eta olmaydi! Buni bilish uchun o`zingizga hech kimga bildirmasdan igna sanchib ko`rishingiz mumkin. Buning natijasidagi ro`y beradigan og`riqni Sizdan boshqa hech kim sezmaydi -)
Agar anglab yetgan bo`lsangiz ish chatoq, kimdir kelib sizga nima xoxlashingizni aytib berolmasligi ma’lum bo`ldi. Endi barchasi o`zingizga qoldi.
Bilmasangiz bilib qo`ying: Siz nimani xoxlashingizni anglab yetibsiz! Tabriklayman! Nimani xoxlashini haqiqiy bilmaydiganlar bu savolni hali hech kimga, berishmagan bo`lishadi. hattoki o`ziga ham
Tushuntirib o`taman! Siz bilim nima ekanligini, u insonda bo`lishini bilasizmi? Bilmaslikni bilish ekanliginichi? qachon paydo
ham bilim. YA’ni, Siz o`z – o`zidan biror narsani bilmaysiz. Bir narsani bilish uchun uning teskarisini (Aks holda bilim mavjud bo`lmaydi) ham bilish kerak.
Oqni bilish qorani bilish bilan birga mavjud.
Qorani bilmasdan turib oqni bila olmaysiz. YAxshilikni bilmay turib yomonlikni anglay olmaysiz. Biror narsani qimmat deyishdan oldin, Siz qaerdadir arzon narxda ko`rgan bo`lishingiz kerakku, axir! Demak, hurmatli “bilmasvoylar!”, Siz nimani xoxlashingizni juda yaxshi bilasiz. Aks holda nimani bilmasligingizdan nolib, arzi hol qilib yurgan bo`lmasdingiz.
“Xo`sh, unda nega men nima xoxlashimni tushunib yetmayapman? Nega nima xoxlayotganim tasavvurimga kelmayapti?” — deb so`rashingiz mumkin. Kechirasiz-u endi men savol beraman, Siz esa javob berasiz. Siz ham bir ter to`king, tayyorga ayyorginam! Demak boshladik! Agar haqiqatdan ham nimani xoxlashingizni bilishni chin dildan istayotgan bo`lsangiz, albatta, Bu savolga yuzaki javob bermang. Bu Siz uchun ko`p narsalarni oydinlashtirib beruvchi savol.
Nimalarga qarab “Nimani xoxlashimni bilmayman” deb o`ylay boshladingiz? yozing, erinmasdan batafsil yozing. Keyingi tushuntirishlarni savol javob tariqasidagi ssenariy bo`yicha olib boramiz. Buni “Maslahatchi” va “Bilmasvoy” ning suhbati tarzida keltiramiz.
Bilmasvoy:
— Men hayotda nimani xoxlashimni bilmayman! Menga yordam bera olasizmi?
Maslahatchi:
— buni bilishning Sizga nima keragi bor?
Bilmasvoy:
— axir men ham odamlarga o`xshab yashagim keladi?
Maslahatchi:
— xo`sh, odamlar qanday yashar ekan?
Bilmasvoy:
— ularning o`zi yaxshi ko`radigan ishi bor. Hayotda ko`p narsaga erishishgan.
Maslahatchi:
— Sizga o`z ishingiz yoqmaydimi?
Bilmasvoy:
— yo`q.
Maslahatchi:
— nimasi yoqmaydi?
Bilmasvoy:
— maoshi juda kam, ishi ko`p.
Maslahatchi:
— Siz maoshingiz qancha bo`lishini xoxlardingiz?
Bilmasvoy:
— maosh yaxshi yashashga yetishi kerak.
Maslahatchi:
— qancha maosh Sizningcha yaxshi yashashga yetarli bo`lardi?
Bilmasvoy:
— bilmasam. O`ylab ko`rmagan ekanman.
Maslahatchi:
— o`ylab ko`ringchi. Kerak bo`lsa hisoblab chiqing.
Bilmasvoy:
— Xo`p. Lekin bunga vaqt kerak.
Maslahatchi:
— yaxshi, hali keyinroq aniq hisob-kitob qilib menga aytarsiz. Xozircha taxminiy miqdorni olamiz. Masalan oyiga 10 000 000 so`m. Qanday, bo`ladimi?
Bilmasvoy:
— oyiga 10 000 000 so`m bo`lsa yomon bo`lmasdi.
Maslahatchi:
— yomon bo`lmasdimi yoki yaxshi bo`lardimi?
Bilmasvoy:
— yaxshi bo`lardi.
Maslahatchi:
— demak Sizga oylik maoshi kamida 10 000 000 so`m bo`lgan ish kerak, shundaymi?
Bilmasvoy:
— ha!
Maslahatchi:
— oylik shuncha bo`lsa yetarlimi? farqi yo`qmi?
Bilmasvoy:
Qanday ish bo`lishining farqi bor. Men jismoniy mehnatni yoqtirmayman. Menga aqlni ishlatadigan ish kerak.
Maslahatchi:
— Siz bunday maosh uchun sutkasiga 15 — 18 soat ishlashga rozi bo`larmidingiz?
Bilmasvoy:
— yo`q. Axir shaxsiy hayotga ham vaqt kerakku?!
Maslahatchi:
— ishingiz qancha vaqtingizni olsa, Siz uchun normal hisoblanadi?
Bilmasvoy:
— ish uchun kuniga 3-4 soat sarflasam, qolgan vaqtimni oilam bilan o`tkazish men uchun yaxshi hisoblanadi.
Maslahatchi:
— demak Sizga kuniga 3-4 soat vaqtingizni oladigan, maoshi kamida 10000000 so`m bo`lgan, aqliy mehnatni talab qiladigan ish kerak, shundaymi?
Bilmasvoy:
— ha!
Maslahatchi:
— aqliy mehnat deganda Siz nimalarni nazarda tutyapsiz?
Bilmasvoy:
— men bunda hisob-kitobni emas, balki nimalarnidir yaratishni nazarda tutyapman.
Maslahatchi:
— masalan?
Bilmasvoy:
— masalan, insonlarga foydasi tegadigan biror dasturmi yoki saytmi yaratish.
Maslahatchi:
— bu ish Sizga nimasi bilan qiziq?
Bilmasvoy:
— bunda ijod qilish uchun erkinlik katta. YAngi g`oyalarni juda tez joriy qilish mumkin.
Maslahatchi:
— Tabriklayman! Siz hozirgina nima xoxlashingizni tariflab berdingiz. YA’ni, Siz insonlar uchun foydali bo`lgan veb-sayt yoki dasturlar yaratishni, bunga kuniga 3-4 soat vaqt sarflashni, maoshingiz oyiga kamida 10 000 000 so`m bo`lishini xoxlar ekansiz. Faqat bu summa taxminiy ekanligini, uni aniq hisob-kitob qilib menga yuborishga va’da qilganingizni unutmang!
Xuddi shu kabi savollarni oila, sog`lik, munosabatlar borasida ham davom ettirib borish mumkin. Natijada hayotdan nima xoxlashingiz yaqqol namoyon bo`la boshlaydi.
Bunda hammasi juda oddiy. Siz nimani xoxlamayotgan bo`lsangiz demak uning aksini xoxlaysiz. YA’ni maoshingiz kamligi sizga yoqmayotgan bo`lsa, demak maoshingiz ko`p bo`lishini istayotgan bo`lasiz.
Agar Siz nimaga qiziqishingizni bilmayotgan bo`lsangiz, unda quyidagicha yo`l tuting. Hozirgi ishingizda Sizni nimalar qoniqtirmayotganini yozib chiqing. So`ng bularni teskarisiga o`giring. SHunda o`z
Qiziqishlaringizni qaerdan izlash kerakligi haqida aniq yo`nalish paydo bo`ladi.
Agar hozirda Siz hech qaerda ishlmayotgan bo`lsangiz, unda istalgan bir ishga kiring. Natijada bu yangi ishingizdagi nimalirdir Sizga yoqa boshlaydi yoki umuman yoqmaydi. SHunda siz uchun hammasi ayon bo`ladi qoladi. Nimalar yoqmayotgan bo`lsa, demak uning teskarisi albatta yoqadi. Axir “yoqmaydi”ning teskarisi “yoqadi” bo`ladi-ku! Savollarni qanchalik aniq qo`ysangiz, qiziqishlaringizni topish shunchalik tez bo`ladi.
Hayotdan nima istashingizni bilmayotgan bo`lsangiz, demak hayotdan nima istamasligingizni yozing. SHunda ularga qarab nima xoxlayotganingiz ayon bo`ladi.
SHuni o`zingiz uchun aniq bilib olingki, Siz biror narsani anglayotganda uning jufti bilan birga anglab yetasiz. Boshqacha bo`lishi mumkin emas.
Biror narsaning qattiqligini bilish uchun, Sizda yumshoqlik haqida bilim bo`lishi kerak. Katta narsani anglash uchun kichikni bilish kerak. Bilmaslikni anglab yetish uchun bilish kerak.
Ko`p narsani bilmasligingizni qanchalik chuqur anglab yetsangiz, ko`p narsani bilaman deganlardan shuncha ko`p bilgan bo`lasiz.
Demak Sizda nimani xoxlayotganingizni, nimaga qiziqishingiz borligini aniqlab olish uchun tayyor qo`llanma bor.
1. Sizning nima xoxlashingizni, nimaga qiziqishingizni faqat va faqat Siz bilasiz. Boshqa buni Sizdan so`ramasdan hech kim aniqlay olmaydi.
2. Agar Siz “nimaga qiziqishimni bilmayman” deb o`ylay boshlagan ekansiz, demak Siz nimaga qiziqishingizni anglay boshlabsiz. Aks holda bunday fikr xayolingizga ham kelmasdi.
3. Endigi vazifa kerakli savollar yordamida nimaga qiziqishingizni oydinlashtirib olishdan iborat, xolos. Bu borada bir oz yoqimli Harakat qilishdan erinmasangiz bo`lgani.
Bunda muhimi savollarni to`g`ri aniq va konkret jihatni ifoda etsin.
Masalan:
“Menga hozirgi ishim yoqmaydi, qanday ishga o`tsam ekan?” degan savol Sizni ancha qiynab qo`yadi. Sababi bu savolda mavhumliklar juda ko`p. CHunki bunda ishning nimasi yoqmasligi, yangi ishingizda nimalar bo`lishini istashingiz noma’lum. Undan ko`ra “Menga hozirgi ishimdagi nimalar yoqmaydi? (maoshmi, men bajarayotgan ishlarmi, ish vaqtining ko`pligimi, jamoadagi odamlarmi, boshliqmi)” mazmunidagi savol foydali. CHunki, bu konkret jihatlarni aniqlashtirib olishga qaratilgan. Natijada Siz bo`lajak ishingizda nimalar bor bo`lishini istayotganingizni aniq bilib olasiz. Axir aytishadi-ku masalani to`g`ri qo`yish, uning yarmini qilishga teng deb. SHuning uchun ham Siz savollarni to`g`ri qo`ying.

Masalan kanalimiz a’zolaridan biri menga yozdi:
Men odamlarga yordami tegadigan quyidagicha ish qilishni xoxlayman, lekin bu qanday ish ekanligini xayolimga ham keltira olmayapman!
Buni aniqlashtirib olishi uchun u o`ziga quyidagi savollarni berishi kerak bo`ladi:
1. Odamlar deganda kimlarni nazarda tutyapsiz? (erkaklar, ayollar, yoshlar, kattalar, qariyalar, talabalar, o`quvchilar)
2. Qaysi mamlakatdagi odamlarga yordam berishni istayapsiz? (O`zbekiston, Rossiya, Amerika … ).
3. Ularga konkret qaysi masalalarda yordam berishni istayapsiz? (uy ishlarini bajarishidami, ish topishlarigami, o`qishga kirishidami, biznes ochishidami, katta daromad topishidami, oila qurishlaridami, bola tarbiyasidami).
4. Nechta odamga yordam berishni mo`ljallagansiz? (100, 1000, 1000000)
5. Har bir odamga qancha muddat yordam berishni xoxlaysiz?
Bu kabi savollarni har bir mavhumlik bor joyda berish mumkin. Natijada Sizda aniq bir tasavvur paydo bo`la boshlaydi. SHu tariqa o`z ishingizni, kamida yaqin kelajakdagi harakat yo`nalishingizni bilib olasiz.
Demak nimaga qiziqishingizni, nima xoxlayotganingizni bilishingiz uchun to`g`ri va kerakli savollar bilan izlanishingiz darkor ekan. Izlaning, o`zingizga savollar bering. Siz nima
xoxlashingizni aniq bilasiz! Aks holda bu muammo Sizni bezovta qilmagan bo`lardi. Agar o`z – o`zingizga to`g`ri va yo`naltiruvchi savol berishni bilmasangiz, biror mutaxassisga uchrashing. U bilan muloqot qiling.

Если вам понравилась статья, поделитесь ею с друзьями в социальных сетях.
Sirlar.uz
Комментарии: 1
  1. Аноним

    :idea: :idea:

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: