Nega ishlaringiz yurishmayapti? Javobni tahlil qilamiz

Нега ишларингиз юришмаяпти?

Bu savol ko’pchilikni qiziqtirishi aniq. Haqiqatdan ham juda muhim savol. CHunki Sizning fikringizcha bu savolning javobini topsangiz ishingiz yurishib ketadigandek. Aslida ham shundaymi? Keling bu holatni misollar yordamida ko’rib chiqaylik

.
Masalan quyidagi maqsadlari bor odamlarni olaylik:
–haligacha o’z biznesini ocha olmayotgan yoki hozirda bor bo’lgan biznesini rivojlantira olmayotgan odam,
–o’zidagi ortiqcha vazndan qutula olmayotgan ayol,
–sog’ligini tiklay olmayotgan inson.
Birma bir ko’rib chiqamiz. O’z biznesini ocha olmayotgan yoki hozirda bor bo’lgan biznesini rivojlantira olmayotgan odam o’z-o’ziga «Nega ishim yurishmayapti? Nega haligacha o’z biznesimga ega emasman? Nega biznesim rivojlanmayapti?» degan savollarni berib ko’rsa quyidagiga o’xshash javoblarga ega bo’ladi:

    –biznes ochish uchun katta pul kerak. Menda esa hozir buncha pul yo’q.

    –Menda o’z biznesimga ega bo’lish uchun tajriba yo’q.

    –Hozir odamlarda pul yo’q, shuning uchun mening xizmatimdan foydalanuvchilar juda kam va hokazo…

Endi bir o’ylab ko’ring. Bu javoblardan Sizga qanchalik foyda bor? Bu javoblarni ich-ichingizdan eshitgach Sizdagi g’ayrat, shijoat oshadimi yoki kamayib, bori ham yo’q bo’lib ketadimi? Bu javoblardan kayfiyatingiz ko’tarilib ishingiz yurishib ketadimi? Albatta yo’q!!! Va yana yo’q!!!
Bunday javoblar Sizning chorasiz ekanligngizni yana bir bor ta’kidlaydi. Bu javoblardan so’ng o’zingizni yanada ojiz seza boshlaysiz. Bu javoblar Sizni rivojlantirmaydi,
ishingizni yurishtirmaydi! Tushunyapsizmi?!
«Xo’sh, u holda nima qilish kerak?» deb so’rarsiz. Sabr qiling, javobini sal keyinroq bilib olasiz.
Endi ikkinchi misolni qarab chiqaylik.
O’zidagi ortiqcha vazndan qutula olmayotgan ayol o’z – o’ziga «Nega ishim yurishmayapti? Nega haligacha ortiqcha vazndan qutula olmayapman? Nega ozgina yesam ham semirib ketaveraman?» degan savollarni bersa qanday javoblarga ega bo’ladi? Taxminan mana bunday:

    –Men o’zi tabiatan, tug’ma semizlikka moyilman.

    –Men juda ishtahaliman, ovqatdan o’zimni tiya olmayman.

    –Dieta qilish – men uchun haqiqiy azob.

    –Men semizlik kasalligiga chalinganman va hokazo …

Endi bir o’ylab ko’ring!
Bu javoblardan Sizga qanchalik foyda bor? Bu javoblarni ich-ichingizdan eshitgach Sizdagi g’ayrat, shijoat oshadimi yoki kamayib, bori ham yo’q bo’lib ketadimi? Bu javoblardan kayfiyatingiz ko’tarilib ishingiz yurishib ketadimi? Albatta yo’q!!! Va yana yo’q!!!
Bunday javoblar Sizning chorasiz ekanligngizni yana bir bor ta’kidlaydi. Bu javoblardan so’ng o’zingizni yanada ojiz seza boshlaysiz. Bu javoblar Sizni rivojlantirmaydi, ishingizni yurishtirmaydi! Tushunyapsizmi?!
«Xo’sh, u holda nima qilish kerak?» deb so’rarsiz. Sabr qiling, javobini sal keyinroq bilib olasiz.
Endi uchinchi misolni qarab chiqaylik.
Sog’ligini tiklay olmayotgan inson o’z-o’ziga «Nega ishim yurishmayapti? Nega haligacha tuzalib ketmayapman? Nega sog’lom emasman?» degan savollarni bersa, qanday javoblarga ega bo’ladi? Taxminan mana bunday:

    –Tuzalish uchun qimmatbaho dori-darmonlar kerak. Menda esa pul yo’q.

    –Mening immunitetim o’zi past, shuning uchun tuzalishim qiyin.

    –Qarichilik, bu o’zi bedavo dard, bu kasallik naslimizda bor bundan qutulib bo’lmaydi va hokazo …

Endi bir o’ylab ko’ring!
Bu javoblardan Sizga qanchalik foyda bor? Bu javoblarni ich-ichingizdan eshitgach Sizdagi g’ayrat, shijoat oshadimi yoki kamayib, bori ham yo’q bo’lib ketadimi? Bu javoblardan kayfiyatingiz ko’tarilib ishingiz yurishib
ketadimi? Albatta yo’q!!! Va yana yo’q!!!
Bunday javoblar Sizning chorasiz ekanligngizni yana bir bor ta’kidlaydi. Bu javoblardan so’ng o’zingizni yanada ojiz seza boshlaysiz. Bu javoblar Sizni rivojlantirmaydi, ishingizni yurishtirmaydi! Tushunyapsizmi?!
«Xo’sh, u holda nima qilish kerak?» deb so’rarsiz. Sabr qiling, javobini sal keyinroq bilib olasiz.
Eng birinchi qiladigan ishingiz — «Nega ishim yurishmayapti?» degan savolni o’zingizga hech qachon bermaslikka qat’iy qaror qiling.
YUqoridagi misollardan ko’rib, amin bo’ldikki bu savolni berish bizga hech qanday foyda bermas ekan, ustiga ustak bu savolni berish bizni muammolarga yanada chuqurroq ko’mib, vaziyatni yanada og’irlashtirar ekan. Tushunyapsizmi?!
Endi esa quyida keladigan ma’lumotlarni diqqat bilan o’rganib chiqing. CHunki hamma ishlaringizni yurishtiruvchi kalit qaerda ekanligini bilib olasiz.
Bu bilimlarga ega insonda muammolar hech qanday qo’rquv uyg’otmaydi. Bu bilimlarni o’zlashtirib olsangiz muammolaringizni tez va oson hal qila oladigan bo’lasiz. Bu
Sizga qiziqmi?
Qani boshladik!
Gap shundaki Sizning ishlaringiz yurishmasligi UMUMAN MUMKIN EMAS. Buning hech iloji yo’q!
Tushunyapsizmi?! Sizning ishlaringiz DOIMO YURISHIB KELGAN, YURISHIB KELYAPTI va bundan keyin ham DOIMO YURISHIB BORAVERADI!
Ha, hozir Sizni tushunib turibman. Bu haqiqatni nafaqat tan olish, balki eshitishning o’zi ham og’irlik qiladi. Sizda darhol «Qanaqasiga? Axir qarzlarga ko’milib yotgan bo’lsam – shu holatni ishi yurishgan deb bo’ladimi? Axir ortiqcha vaznim borgan sari yana ham ortib borayotgan bo’lsa, buni ishlar yurishgan deyish mumkinmi? Axir sog’ligim kundan kun yomonlashib borayotgan bo’lsa men qanday qilib ishlarim yurishib kelyapti deb aytishim mumkin?!» kabi savollar paydo bo’lishi aniq.
Hozir bu kabi savollaringizga oydinlik kiritib olamiz.
Natijada haqiqatdan ham ishlaringiz doimo yurishib kelishiga o’zingiz ham amin bo’lasiz.
Gap shundaki, bizdagi xoxish va istaklarning manbai ikkita:

    –aqlimiz yordamida hosil bo’layotgan xoxish va istaklar,

    –botiniy ongimizdagi xoxish va istaklar.

SHuni yaxshilab anglab oling-ki: doimo botiniy ongimizdagi xoxish va istaklar amalga oshib keladi! HAR DOIM!!! — bu fakt!
Bu ikkala manbadan kelayotgan xoxish-istaklar bir biriga mos kelsa – bu ideal holat bo’lib, istaklaringiz tezda, ko’z ochib yumguningizcha ro’yobga chiqadi. Sizda biror narsaga xavasingiz ketganda tez orada uni qo’lga kiritgan holatlar bo’lganligini eslasangiz kerak. Agar bu ikkala manbadan kelayotgan xoxish-istaklar bir biriga mos kelmasa – u holda har doim botiniy ongimizdagi xoxish va istaklar amalga oshib kelaveradi.
SHuning uchun ham butun dunyodagi barcha muvaffaqiyat ustozlari botiniy ong (podsoznanie) haqida tinmay gapirishadi. Istaklarni botiniy ongga joylash eng muhim
ish ekanligini qayta-qayta ta’kidlashadi. Tushunyapsizmi?!
Botiniy ongimiz bizdagi 90% (ayrim manbalarda 99%) jarayonlarni boshqaradi, aqlimiz esa – bor yo’g’i 10% (yoki ayrim manbalarga ko’ra 1%) holatni boshqaradi. Endi o’zingiz bir o’ylab ko’ring – qaysi biri kuchli? Albatta BOTINIY ONG!!!
Aqlingiz kerakligini bilib turgan ishni ham qila olmay yurgan vaqtlaringizni bir eslab ko’ring. Ana shunda kim kimligini tushunasiz. CHunki aql bilan qanchalik xoxlsangizda ammo qo’lingiz hech ishga bormaydi, doimo ortga suraverasiz. yoki o’zingizni majburlab, iroda kuchingiz bilan boshlasangiz ham 2-3 kunda hammasini tashlab qo’yasiz. Bunday holatlar Sizga tanish bo’lsa kerak. Bularning barchasi botiniy ongning ishi.
Bularni o’qib turib Sizda savol tug’ulishi tabiiy – nima,
botiniy ongimiz bizga dushmanmi? Aslo yo’q. Botiniy ongimiz bizning eng yaqinimizdir, bizni doimo himoya qiluvchi, yashovchanligimizni ta’minlovchi eng muhim qismimizdir. Uning nega o’zini bunday tutishini, ya’ni aql xoxlayotgan istaklarga nisbatan nega qarshilik qilishini hozir bilib olamiz.
Gap shundaki botiniy ongimizdagi istaklar ham o’z o’zidan paydo bo’lmaydi. Bu istaklarni ham biz aqlimiz bilan joylaymiz. Bu istaklarni ham o’z xoxishimizga ko’ra, o’z erkin tanlovimizga ko’ra botiniy ongimizga joylaganmiz. Faqat bu ishlar ancha oldin, yoshligimizda bo’lgan yoki tahlil qilinmasdan amalga oshgan.
Endi bularni yuqorida keltirgan misollarimizda ko’rib chiqamiz.
O’z biznesini ocha olmayotgan yoki hozirda bor bo’lgan biznesini rivojlantira olmayotgan odamni olib qaraylik. Bu yerda aql qo’ygan istaklar bilan botiniy ongdagi qarashlar mos kelmayapti. Aks holda hamma ishlar yurishib ketgan, biznes ochilgan yoki yanada gullab yashnagan bo’lardi.
Aql yordamida qo’yilgan istak: o’z biznesini ochish va
shu orqali daromadini oshirib farovon yashash.
Botiniy ongdagi istak (qarash): biznes ochish xavfli,
agar bankrot bo’lsang hammaga sharmanda bo’lasan. Qarzga botib ko’chada bosh ko’tarib yura olmaydigan bo’lasan. Keyin senga bu kun ham yo’q. Undan ko’ra tinchgina yurganing yaxshi.
Endi tasavvur qiling 100 ta ovozdan 90 tasi biznes ochish xavfli, sharmanda bo’lishga olib keladi deb tursa. Qolgan 10 tasi esa biznes ochish foydali, daromad oshadi, turmushimiz yaxshilanadi degan fikrni tasdiqlasa. Xo’sh, qay biri yengadi?
Tanangizning 90 qismi bir tarafga tortsa, qolgan 10 qismi bir tarafga tortsa – qaysi tomonga siljiysiz? Gap nimada ekanligini endi tushungandirsiz?
Fanni o’zlashtirishda 100 balldan 90 ball olgan talabani a’lochi deyilishini bilsangiz kerak. Bunday talabani ishi yurishmagan, dangasa va bilimsiz deb aytilmaydi-ku?! Nega
endi 90% lik ahamiyatga ega bo’lgan maqsadingiz amalga oshib turganda «Mening ishim yurishmayapti!» deyishingiz kerak ekan?
Sizning 90% ahamiyatga esha maqsadingiz – bu bankrot bo’lmaslik, sharmanda bo’lmaslik, qarzga botmaslik bo’lsa va qolgan 10% ahamiyatga ega maqsadingiz o’z biznesingizni ochish bo’lsa qay bir maqsadingiz amalga oshsa ishim yurishdi deb aytasiz? Nega Sizning ishlaringiz doimo yurishib turishini, yurishmasligi umuman mumkin emasligini endi tushungandirsiz?
Biznes ochish – bu bankrot bo’lish degani, bu sharmanda bo’lish degani, bu katta qarzga botish degani kabi qarashlar botiniy ongingizga qaerdan kelib qoldi? Xavotir olmang – hech kim Sizga bu qarashlarni majburan singdirmagan.
Sizning botiniy ongingizga biror qarashni majburan singdirishning umuman iloji yo’q.
Buni amalga oshirishning birdan bir yo’li – bu Sizning o’z xoxshingizga binoan o’zingiz qilishingizdir.
Tasavvur qiling. Oila davrasida nonushta qilib o’tiribsiz. Otangiz «Falonchi magazin ochgandi. Hozir ishlari yurishmay katta qarzga botib qolibdi. Odamlarga ham
hayronsan, kam daromad topayotgan bo’lsa ham qanoat qilib tinchgina yursa bo’lmaydimi?!» deb gapirib qoldi. yosh bolalar hali tahlil qilish qobiliyatiga ega bo’lmagani uchun bu holatni, ya’ni biznes ochish – bu katta qarzga botib sharmanda bo’lib yurish ekan degan qarashni darrov o’ziga singdirib oladi.
Bu qarashga ega bo’lib voyaga yetgan inson undan qutulmasdan turib hech qachon o’z biznesini boshlay olmaydi. Boshlaganda ham xuddi «otasi aytganidek» ishlari yurishmay qarzga botib qoladi. Tamom vassalom.
SHuni yaxshilab anglab oling-ki, Siz «Mening ishlarim yurishmayapti!» deganda aqlingizning xoxishlarini, ya’ni 10% lik ahamiyatga ega maqsadlaringizni nazarda tutayotgan bo’lasiz. Ammo, o’zingizni yaxshilab tahlil qilib chiqqach bilasizki, aslida esa 90% lik ahamiyatga ega maqsadlaringiz amalga oshib kelayotgan va botiniy ongingiz nuqtai nazaridan ishlaringiz yurishayotgan bo’ladi. O’zi shunaqa. Botiniy ongimiz ishlar yurishmaslik nima ekanligini umuman bilmaydi. Uning ishlari doimo yurishadi.
SHuni aniq bilib oling-ki, Alloh brak mahsulot yaratmaydi.
Siz bilan bizni mukammal qilib yaratgan. Botiniy ongimiz omadsizlik, muvaffaqiyatsizlik nima ekanligini umuman bilmaydi. Unga bu kabi tushunchalar umuman begona. UNING ISHI HAR DOIM YURISHIB KELGAN, YURISHIB KELYAPTI VA BUNDAN KEYIN HAM YURISHIB KETAVERADI!
Botiniy ongingiz Sizning 90% (ayrim manbalarga ko’ra 99%) qismingizni tashkil qilishini e’tiborga olsak, demak Sizning ISHINGIZ HAM HAR DOIM YURISHIB KELGAN, YURISHIB KELYAPTI VA BUNDAN KEYIN HAM YURISHIB KETAVERADI!
Bu ma’lumotlardan qilinadigan navbatdagi ENG MUHIM xulosa – o’zingizga omadsiz, ishi yurishmagan, dangasa va hokazo salbiy sifatlarga ega inson sifatida
qarashni to’xtating. Hozirda nimaga ega bo’lgan bo’lsangiz (qarzmi,
kasallikmi, ortiqcha vaznmi, boylikmi, sog’likmi, chiroyli qomadmi farqi yo’q) barchasiga o’zingiz o’z xoxishingizga ko’ra erishgansiz.
Ha, to’g’ri tushundingiz kasallikka ham o’zingiz erishgansiz – to’g’rirog’i Allohdan so’rab olgansiz, qarzga botishni ham o’zingiz xoxlagansiz – Allohdan so’rab olgansiz, ortiqcha vazn ham Sizning xoxish va istagingiz, qalbingizdagi o’z duoingiz natijasidir.
Axir shuncha ishni qila olgan insonni omadsiz, dangasa, ishi yurishmagan deb bo’ladimi? Quvonchli xabar shundan iboratki, shuncha ishni qila olgan odam sifatida bularning aksini ham bemalol qila olasiz. YA’ni, qarzlaringizdan xalos bo’lib erkinlikka chiqishingiz, ortiqcha vazndan xalos bo’lib, chiroyli va xushbichim qomad sohibasiga aylanishingiz, kasalliklaringizdan butkul qutulib, mutloq sog’lom inson bo’lishingiz mumkin. Qanday qilib deysizmi? Buning yo’li oddiy. SHunchaki bu maqsadlaringiz borasida botiniy ongingizdagi qarashlarni aniqlash va ularni o’zingizga mos qilib o’zgartirishingiz kerak, xolos.
Aqlingiz xoxishi — «qarzlardan qutulish» bo’lsada, ammo 10% lik kuchga, ahamiyatga ega.
Botiniy ongingizdagi qarashga ko’ra esa – qarzlaringizdan qutulsangiz maishatga berilib ketishingiz mumkin (bu misol uchun keltirilgan variant, Sizda butkul boshqa qarash bo’lishi tabiiy hol). Botiniy ongingiz 90% kuchga va ahamiyatga ega bo’lgani uchun – natijada qancha harakat qilsangizda qarzdan qutula olmay yuraverasiz. Tushunyapsizmi?! CHunki 90 ta ovozga ko’ra qarzdan qutulish maishatga berilib ketish va oila barbod bo’lishiga olib kelishi aniq bo’lib turganda, 10 ta ovozga ega qarzdan qutulish maqsadi amalga oshirilmaydi. 10 ta ovoz deb 90 ta ovozga qarshi chiqish mantiqsizlik ekanligini o’zingiz ham tushunib turgan bo’lsangiz kerak.
Qisqacha qilib aytadigan bo’lsak, ishlaringizni yurishib ketishi uchun quyidagilarni bajarishingiz kerak bo’ladi:
1. Ishingiz yurishmasligi umuman mumkin emasligini, Sizning ishingiz doimo yurishib kelayotganini qabul qiling. Buni qabul qila olmasangiz ushbu kitobni boshidan qaytadan o’qib chiqing.
2. YUrishmayotgan ishingiz yuzasidan botiniy ongizdagi qarashlar nima ekanligini aniqlang. YA’ni, botiniy ongingizda joylashgan va 90% kuchga va ahamiyatga ega bo’lgan asl maqsadingiz nima ekanligini bilib oling. Buning uchun o’zingizga «Nega ishlarim yurishmayapti?» deb emas, balki «Ishlarim yurishmasligidan qanday foyda olyapman? Aqlim nima xoxlayotganini bilib turibman, ammo bu borada botiniy ongimdagi qarashlar qanday? Maqsadimga erishsam men yoqtirmaydigan yoki qo’rqadigan nimalar sodir bo’lishi mumkin?» kabi savollarni berishingiz kerak.
Bu savollarning javobi Sizni o’z maqsadingiz sari to’sib turgan cheklovchi qarashlaringiz bo’ladi.
3. 2-qadamda topilgan cheklovchi qarashlaringizni o’zgartiring (transformasiya qiling). Buning uchun qarashlarni o’zgartirishda foydalaniladigan istalgan usullardan foydalanishingiz mumkin. Ushbu ko’rsatmalardan olinadigan eng asosiy xulosa – HAMMASI O’Z QO’LINGIZDA! YAngi, foydali va rivojlantiruvchi ilmlarni o’zlashtirishda Alloh yor bo’lsin!

Если вам понравилась статья, поделитесь ею с друзьями в социальных сетях.
Sirlar.uz
Комментарии: 4
  1. Abdurhimova Nigorxon

    Xammasi to’g’ri biz doim yaxshi niyyatda bo’lishimiz va yaxshi gumonda bo’lishimiz kerak! Inson miyyasida nimaiki o’y-hayol bo’lsa va inson shu narsaga ishonsa u yaxshimi yominmi harakatlari natijasida albatta shu narsaga erishadi! Asosiysi qalb va niyyat toza bo’lsin. Shunda hammasi biz o’ylagandek va niyyat qilganimizdek bo’ladi. Yana bir asosiy narsa insonda kuchki hohish harakat va aniq maqsad bo’lishi kerak!

  2. O'lmasoy Gulomova

    Haqiqat ekan

  3. Yusupaliyeva Raʼno

    Zoʻr qilib tushuntirilgan katta raxmat 👍👍

  4. nigorhon

    yaxshi zur yozgansiz qoyil

Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: