Istaklarga erishish uchun 1 stakan suv usuli haqida

O’ylagan istaklaringizga erishish uchun amaliy treyning.

Bir stakan suv usulini bajarish uchun o’zini tayyorlash

Bu usul – qo’yilgan maqsad (bajarilgan so’rov) nuqtai nazaridan beriladigan, zararli bo’lgan “Bunga qanday erishaman?” savolidan qutulishning ajoyib usulidir. Tayyor turing, axir bu savol doimiy ravishda hujum qiladi va aldaydi, boshida bu ishini tez-tezgina qilib turadi. Hechqisi yo’q, bundan foydalanib Siz unga qarshi turishni mashq qilib olasiz. Natijada ongingizni keraksiz barcha narsadan ozod qilishni va maqsadingizda ko’rsatganlaringizga ochilishni o’rganib olasiz.

Faqat bir narsa. “Bunga qanday erishaman?”, “Bu bo’lishi mumkinmi?”, “Menda bu ish o’xshashiga ishonmayman” … va shunga o’xshash mavzudagi o’y-fikrlarni Siz emas, ular Sizni o’ylay boshlashiga tayyor turing. Boshqacha aytganda, Siz bu o’y-fikrlar ongingizda xo’jayinlik qilayotganini sezmasligingiz ham mumkin. Bu sodir bo’lmasligi uchun, mo’ljalni o’z emosiyalaringizga nisbatan oling – ular eng aniq indikatordir. Aynan emosiyalar Sizga xabar beradi: ongingizda samarali o’y-fikr ishlayaptimi yoki buzg’unchilari kirib keldimi. SHuning uchun: kayfiyatingiz buzilganini sezsangiz, ichingizda qandaydir xavotir, yurakni siqadigan g’ashlik, alag’dalik bo’lsa, bilingki – bu Sizga quyidagidan darak beruvchi signaldir: Diqqat! Diqqat! Ongingizga (sabotajchi) kirdi – shu zahoti uni haydang! Bu qo’zg’olonchi signalni olgandan so’ng, tekshiring, hozirgina boshingizda qanday o’y-fikr turgandi – bu o’y-fikrning mazmunini aniqlang. Va bu o’y-fikrga qat’iy ohangda ayting: “Bu yerdan yo’qol. Pisht bu yerdan. Men senga hammasini rasvo qilishingga yo’l qo’ymayman” Keyin esa bunday qiling. Kunning oxirida, uyquga yotishdan oldin, Sizga kun davomida buzg’unchi o’y-fikrlar hujum qilganini va ongingizni ulardan tozalash uchun Sizning yaxshigina mehnat qilishingizga to’g’ri kelgani belgilab tan oling). YAna mana buni ham tan oling: Ayrim hollarda Siz o’zingizning buzg’unchi o’y-fikrlaringizni haydagingiz kelmadi, chunki ularda Siz javobini bilishni xoxlayotgan savollar ham bor edi. SHundan so’ng esa “Bir stakan suv” usulini qo’llang.

“Bir stakan suv” usulini qanday bajarish kerak?

Usul bevosita uyqudan oldin bajariladi. Ammo istisno ham bor.

Bu usulni bajarish 4 qadamdan iborat

1 – Qadam. Muammoni/savolni belgilash

Muammoni yoki masalani ifoda etayotganda uning qisqa va lo’nda bo’lishiga intiling. Tafsilotlarga berilmang, ifodani qiyinlashtirib yubormang. Misol uchun, agar Sizning muammoingiz – o’zingizni yomon his qilayotganingiz bo’lsa, unda bunday deng: Men o’zimni yomon his qilyapman. yoki, agar pul inqirozida bo’lsangiz, bunda ham gapdonlik qilmasdan, shunday deb aytib qo’ya qoling: “hozir menda pul yetishmovchiligi bo’lyapti” — bunga yana qo’shimcha ravishda Sizga aynan nimaga (nima olishingiz uchun) pul yetishmayotganini qo’shib qo’yishingiz ham mumkin.

2 – Qadam. Masalani qo’yish

Masalani qo’yishni o’ylab o’tirish shart emas – u hamma holat uchun bir xildir: “echimini topish talab qilinadi”

Toza qog’oz varag’ini oling (katta bo’lmagan. Masalan, bloknotniki – yon daftarchaniki) Quyidagilarni yozing:

■muammoning ifodasini,

■ masalaning qo’yilish matnini.

Bunda yaxlit, bitta matn hosil bo’lsin, chunki usulni bajarishda Siz uni ovoz chiqarib o’qiysiz.

YUqoridagi misoldan kelib chiqib bunday yozish mumkin:

Hozir menda qarzlarimni uzish uchun pul yetishmovchiligi bo’lyapti. Bu masalaning yechimini topish talab qilinadi.

3 – Qadam. Suvni tayyorlash

Stakanga suvni quyib oling. Bunda shaffof va rangsiz stakan ishlatish yaxshi ekanligiga e’tibor qiling.

■ suvga bir necha tomchi toza limon sharbatidan qo’shing,

■ yaxshilab aralashtiring,

■ stakanni ikki qo’lingizning to’rtta barmog’i bilan ushlang: bosh va ko’rsatkich barmoqlari bilan.

4 – Qadam. Masalani topshirish

Ko’zingizni yuming va butun matnni ovoz chiqarib ayting: muammoning ifodasi + masala keyin unga mana bu topshirish iborasini xayolan qo’shing:

“Menga muammoimni yecha olishim uchun shuning o’zi yetarlidir”.

Va sekinlik bilan, mazzasini tatigan holda (xoxlasangiz to’xtab-to’xtab), stakandagi suvning yarmini iching. Qolgan yarim stakan suvni muammo matni va masala

yozilgan varoq bilan yopib qo’ying. Usti yopilgan bu stakanni yotadigan krovatingiz yoniga qo’ying. Ertalab turganda stakandagi qolgan suvni ham iching – bunda ham o’y-xayolingizda bitta so’z bo’lsin. Mana bu: “Rahmat!” Suvni ichib bo’lmaguningizcha bu so’zni xayolan takrorlab turing. Muammongizni yechish uchun yoki savolingizga javob olishingiz uchun sizdan talab qilinadigan narsalar shundan iborat.

deyarli

Nima uchun deyarli? CHunki navbatdagi 3 kun mobaynida diqqat — e’tiborni juda kuchaytirish kerak bo’ladi — bu, yechimni qo’ldan boy berib qo’ymaslik uchun zarurdir.

… Uch kun, bu — shartli muddat, albatta. yechim varianti

Sizga darhol kelishi ham mumkin, lekin 3 kun — bu odatda chegaraviy muddat bo’lib, bu vaqt oralig’ida yechim/javob keladi.

Ruxsatingiz bilan, yana bir bor takrorlayman:

muammongiz yechimiga doir shipshitish (podskazka) larni o’tkazib yubormang!

Bir narsani doimo nazarda tuting, iltimos: hech qanday mo’jiza sodir bo’lmaydi. yechimlar odatda shunchalik oddiy bo’ladiki, natijada ularni e’tiborga olishmaydi — jiddiy qabul qilishmaydi. Siz bunday tavakkalchilik (risk) qilmang — qandaydir «maxsus» va jozibali narsalarni kutmang. yodda tuting: Sizning istalgan muammongiz yoki savolingizning oddiy yechimi/javobi bor. SHuningdek bu yechimlar to’g’ridir.

Bu qanday ishlaydi?

Mana qarang. Sizga ma’lum bo’lsa kerak, suv — bu sezgir (nozik rostlangan) ma’lumot to’plovchi ekanligi? Axir suv u yoki bu ma’lumotni eshitganda o’z strukturasini o’zgartirishini bilsangiz kerak? Albatta, Siz buni bilasiz.

Hech kim uchun sir emaski: suvga qo’shilayotgan limon sharbati — bu kislotadir, va u suvni elektrolitga aylantiradi (aniqroq aytadigan bo’lsak, suvning elektr o’tkazuvchanligini sezilarli darajada kuchaytirib yuboradi). Elektrolit batareyalar mana shu prinsipda ishlaydi.

Endi bu yog’ini eshiting. O’y-fikrlar aslida nima o’zi? Ha-da: elektr impulslari.

Sizning tanangiz nima hisoblanadi? U ham energiya — va tana ham elektr taratadi. Endi ishlash mexnizmini ko’rayotgan bo’lsangiz kerak?

■ Siz matnni aytayotganingizda (muammoning ifodasi + masala), suv bu ma’lumotni qabul qiladi va uning strukturasiga moslashadi — ya’ni, aytilgan so’zlarning fizik ekvivalentiga aylanadi;

■ ishni topshirish iborasini xayolan yuborish orqali esa, Siz suvga aniq bir elektr impulsi (energiya) berasiz;

■ qo’llaringiz bilan stakanni yumib ushlash orqali esa, bu energiyani tutashtirasiz — tarqalib ketishiga yo’l qo’ymaysiz;

■ suvni ichish orqali esa, tanangizga aniq ma’lumot bilan to’yintirilgan energiyani yo’naltirasiz. Bu matrisa — so’rov dasturidir (yana uni niyat ham deb aytishadi). Natijada Siz nafaqat miya bilan (odatdagidek), balki har bir kichik to’qimangiz bilan o’ylay boshlasiz. Bunda nima sodir bo’ladi? Juda to’g’ri: Siz butunlay, har bir kichik to’qimangizgacha, o’z muammongiz yechimini topish niyati energiyasi bilan to’lib toshasiz. Niyat energiyasi — bu juda kuchli, shunchaki tasavvurga sig’maydigan energiyadir. U muammo energiyasini uning (muammoning) yechimi energiyasi bilan bog’lamaguncha tinchimaydi. Hammasi mana shunday oddiy.

Suvni 2 porsiyaga bo’lish nimaga kerak?

Bu botiniy ongingizga qaratilgan harakatdir, axir niyat energiyasi aynan unga murojaat qiladi. Axir ushbu:

1) muammo yechimini izlashga va

2) muammoga doir yechimni taqdim qilishga

bo’lgan so’rovlar aynan botiniy ongga yuboriladi.

SHuning uchun kechki porsiya — bu yechimni izlash uchun so’rov, ertalabki porsiya esa — bu yechimni taqdim qilish uchun so’rov. SHuningdek bu ishingiz – yechimni Qabul qilishga bo’lgan deklarasiya hamdir. SHuning uchun «Rahmat» so’zini aytyapsiz — bu orqali botiniy ongingizga yechimning tayyorligiga shubha qilmayotganingizni anglatasiz. Boshqacha aytganda «Rahmat» so’zini yuborish orqali, Siz tayyor yechimni ochilasiz.

Bu nima uchun ish beradi?

Ishlash mexanizmining soddaligiga qaramasdan «nima uchun ish beradi» savoli kun tartibidan hech tushmaydi. Nima ham derdik — biz doimo hamma narsani chiziqli tekislikka o’tkazishni, so’ngra uni ko’zimiz bilan ko’rishni va barmoqlarimiz bilan ushlashni yaxshi ko’ramiz.

Biroq, «Bir stakan suv» usuli nega ish berishi» haqidagi savolga bitta to’xtamga kelinmagan. SHunchalik ko’p taxminlar borki — bosh aylanib ketadi. Fikrimizcha eng aniq tushuntirishni fiziklar va psixologlar berishdi. Fiziklar ishlash mexanizmini aniqlashdi (yuqoriga qarang), psixologlar esa usulning juda samaradorligini quyidagicha tushuntirishadi:

Hamma gap miyaning idrok qilishga javob beradigan qismining ishlash mexanizmida. Ko’zlarni yumish orqali inson eng asosiy idrok qilish organini o’chiradi — va miya, bu kanal orqali ma’lumot olmagandan so’ng, reseptorlarni qo’zg’algan holatga o’tkazishga majbur bo’ladi.

Mana shunday qilish orqali «ongning ochilishi» deb nomlanuvchi fenomenning namoyon bo’lishi uchun sharoit yaratiladi. To’qimalar vibrasiyasi chastotalarining oshishini ta’minlovchi bu hodisa esa, mana bunga olib keladi: anglab yetish (ozarenie), ilhom kelishi.

Eng yaxshisi «Nima uchun?», «Qanday?» degan savollar bilan boshingizni qotirmang. Muhimi bu usul ish beradi. Tamom vassalom. Buning uchun botiniy ongimizga tashakkur!

Bu usuldan yana qanday holatlarda foydalanish mumkin?

«Bir stakan suv» usulini Siz nafaqat ongingizni buzg’unchi o’y-fikrlardan tozalash uchun ishlatishingiz mumkin.

Axir usulning mazmuni — bu botiniy ongga to’g’ridan — to’g’ri murojaat-ku. Botiniy ongingiz esa hamma narsani qila oladi. SHunday ekan, unga quyidagi holatlarda ham murojaat qilishingiz mumkin:

■ qandaydir masala (muammo) ning yechimini topa olmasdan qiynalayotganingizda;

■ yoki qattiq og’riqni (jismoniy yoki qalb og’rig’ini) boshdan kechirayotganingizda;

■ yoki Sizni kimdir (yoki nimadir) muvazanatdan chiqarganda;

■ yoki yo’qolgan narsalarni izlashda;

■ shuningdek bu usulni botiniy ongingizga qalbingizdagi nimanidir amalga oshirishi uchun buyruq berishda ham qo’llashingiz mumkin;

■ YAna …

■ yana ko’p hollarda – «Bir stakan suv» usuli a’lo darajada yordam beradigan Hamma holatni sanayman deb qiynalib ketish mumkin.

Bajarishning qisqacha tartibi

Javob olmoqchi bo’lgan savolingizni ifoda eting yoki yechish kerak bo’lgan muammoni belgilang.

Savol/muammo ifodasini yozing

Ifodaga masala matnini qo’shing

Uyquga yotishdan oldin suvni tayyorlang va masalani yuboring.

Ertasiga — juda kuchli diqqat-e’tibor bilan yuring.

Voqe’a-hodisalarning qanday rivojlanishini kuzating.

O’y-fikrlaringizga quloq tuting. Atrofdagilaringizning o’zini tutishini kuzating.

Javob ko’pincha u yerdan keladi – to’satdan aytilgan so’z shaklida yoki qandaydir og’zaki bo’lmagan belgilar shaklida (mimika, qo’l haraktlari).

Nimadir qilgingiz kelib qolsa unga bo’ysuning (aytish, telefon qilish, borish).

SHuningdek emosiyalaringizni kuzating — ularning signali diqqatni a’lo darajada jamlaydi va alomatlarni ko’rishga va shipshitish (podskazka) larni aniqlashga yordam beradi.

Ushbu trening Rossiyalik mashhur amaliyotchi psixolog, gipnolog, shaxsiy muvaffaqiyatlar texnologiyalari bo’yicha mutaxassis Marta Nikolaeva Garinaning shu nomdagi kursi asosida tayyorlangan.