Muvaffaqiyatga erishishning fundamental qonunlari

Муваффақиятга эришиш қонунлари

Muvaffaqiyat, biznes va baxtli yashashning fundamental qonunlarini ko’rib chiqamiz.

 

Ishonish qonuni

Siz qat’iy ishonch bilan kutgan va haqiqatan ham qalb tubi bilan ishonganingiz sizning real hayotingizga kirib keladi. Masalan, agar siz o’zingizni biror bir narsaga qodir emas deb, bunga qattiq ishonsangiz, u holda siz haqiqatan ham bunday ishni xech qachon qila olmaysiz, chunki bu ishoch sizning imkoniyatlaringizni o’ziga xos tarzda shegaralab qo’yadi. Aksincha, agar siz o’zingizni barcha narsaga qodir va aqlli deb bilsangiz, asta sekin xuddi shunday bo’lib qolasiz va istagan narsangizga erisha olasiz. Ushbu qonunni amalda qo’llash uchun o’z hayotingizning asosiy tarkibiy qismlsrini, ya’ni, oilaviy munosabatlarni, salomatlikni, ish faoliyatingizni, moliyaviy ahvolingizni yaxshlab o’rganing va undan so’ng, erishayotgan natijalaringiz hamda o’layotganingiz, gapirayotganingiz, xis qilayotganingiz va nimalarnidir qilayotganingiz orasida qanday sabab-oqibat zanjiri mavjudligini topishga harakat qiling. Ammo bu ishni amalga oshirayotganingizda o’z-o’zingizga nisbatan haqqoniy munosabatda bo’lishingiz talab etiladi. Bu ishni qilib bo’lgandan so’ng, absolyut haqgo’ylik bilan bu dynyoda yashashdan maqsadingiz nima va unda sizning qanday ahamiyatingiz borligi haqida fikrlab ko’ring. Xozirgi axvoli-xolingizni qanday fikrlaringiz paydo qilgan va qo’llab-quvvatlab turibdi? Hayotingizning biror-bir tarafini o’zgartirishingiz uchun siz o’z firklash tarzingizga qanday o’zgartirishlar kiritishingiz mumkin? O’zingizni ikkilanishlar va qo’rquv xislaridan ozod qiling. Sizni olg’a qarab intilishdan to’xtatib turgan tuyg’ularni uloqtirib tashlang. Agar sizga bu borada maslahat kerak bo’lsa, o’zingiz xurmat qiladigan va ishonadigan insonlardan nimalar sizni o’potensial imkoniyatlaringizni namoyon qilishdan to’xtatib turishi mumkinligi haqida so’rang.

Kutish qonuni

Siz nimanidir komil ishonch bilan va intiqib kusangiz, xuddi o’sha siz tomoningizdan amalga oshirilgan bashoratday sodir bo’ladi. Haqiqatan ham siz o’z hayotingizning yaratuvchisidirsiz, chunki har tomonlama o’ylagan va ijodiy fikrlagan xolda nimanidir bajarasiz yoki nimadir yaratasiz. Siz ishonch va e’tiqod bilan yaxshi narsani kusangiz, qandaydir yaxshilikka duch kelasiz va aksincha. Sizning munosabatlaringiz esa sizning atrofingizdagi insonlarga chuqur ta’sir qiladi. Biror bir shart- sharoitlarda siz insonlardan nimalarni kutayotganingiz ularga bo’lgan munosabatingizni aniqlab beradi. Atrofdagilar esa bamisoli ko’zguda aks etganidek, xuddi shu salbiy yoki ijobiy munosabatni sizga ham qaytaradilar. SHaxsiy hayotingizda ham siz o’z xodimlaringizdan, xo’jayinlardan, mijozlardan va xattoki kelajak orzularingiz haqidagi kutganlaringiz ham aksariyat xollarda birdaniga amalga oshirilib qoladi. Demak, sizni yaxshilik yoki yomonlik haqidagi fikr- o’ylaringiz va kutilmalaringiz insonlarga va xodisalarga juda kata ta’sir ko’rsatadi – shuning uchun juda ehtiyot bo’ling! Ushbu qonunni hayotingizda qo’llash uchun faqat yaxshilik haqida o’ylang va yaxshiliknigina kuting. O’z xodimlaringiz siz haqingizda eng yaxshi tarzda o’ylashlarini faraz qiling. Ular yaxshi ishlamoqchi ekanliklarini, yaxshi yechimlar topishga harakat qilishlarini va yaxshi natijalarga erishishga harakat qilishlarini faraz qiling hamda bunga ishoning. Oilangiz a’zolariga ham doimiy ravishda ularga juda ham ishonishingizni aytib, ularni sevishingizni va ular bilan faxrlanishingizni uqtiring. CHunki olimlarning tadqiqotlariga ko’ra (AQSH Garvard universiteti professori Devis Mak-Klelland) eng ajoyib insonlar va olimlar «pozitiv kutishlar» xukmron bo’lgan oilalardan kelib chiqar ekanlar. O’zingizdan ham eng yaxshi narsalarni kuting – men chegaralanmagan imkoniyatlarga ega insonman va istagan ishni qila olaman deb fikrlang. Kelajagim faqatgina mening tasavvurim bilan chegaralanadi va xozirgacha erishganlarim men erishishim mumkin bo’lganlarning kichik bir qismidir xolos deb ishoning. Hayotimning eng asosiy xodisalari xali oldinda va xozirgacha erishganlarimning barchasi men kelajakda erishishim kerak bo’lgan ishlar uchun tayyorgarlik deb faraz qiling.

Tortilish qonuni

Siz bamisoli jonli magnitdirsiz – siz o’z fikrlaringiz bilan mos bo’lgan insonlarni, holatlarni va imkoniyatlarni o’z hayotingizga qamrab olaverasiz. Bu qonun shaxsiy hayotdagi va biznesdagi ko’pchilik muvaffaqiyatlarni hamda muvaffaqiyasizliklarni o’ziga xos tarzda tushuntirib beradi. Bu qonun haqida bundan besh ming yil avval qadimgi misrliklar qo’lyozmalarida aytib o’tilgan. U shundayin kuchli, quvvatli, barchani qamrab oluvshi va borliqqa singib ketuvchiki, u sizning barcha xatti- harakatlaringiz, so’zlaringiz, hayolingiz va xissiyotlaringizga ta’sir qiladi. Agar siz o’z fikrlash tarzingizni o’zgartira olsangiz, o’z hayotingizni va o’zingizni ham shunga mos ravishda o’zgartira olasiz. «O’xshash narsa o’xshashga tortiladi», «Baliqshi baliqshini uzoqdan ko’radi» degan maqollar xuddi shu qonunning turli xil ifodalanishidir. Sizning fikrlaringiz juda katta kuchga ega va bu ruhiy quvvat yorug’lik tezligi bilan harakatlanadi. Masalan, ba’zida biror bir yaqin kishingizni eslab tursangiz, birdan u sizga qo’ng’iroq qilib qoladi va siz «Xizirni yo’qlasam bo’lar ekan» deb quvonasiz. Bu tasodifiy emas, chunki u inson sizning ruhiy tebranish chastotangizga mos bo’lgani uchun vaqt-fazo doirasida sizning ruhiy signalingizni qabul qilgan va darhol sizga qo’ng’iroq qilgan. Bu qonunni hayotingizda qo’llash uchun, o’zingizni-o’zingiz yaxshilab o’rganing va tegishli xulosalar chiqaring. Atrof-muhitga yaxshilab nazar tashlang va u sizning fikrlaringiz bilan qanchalik mos kelishligini tekshirib ko’ring. Siz bilan ro’y berayotgan barcha yaxshi-yomon voqea-xodisalar uchun mas’uliyatni o’z zimmangizga oling. Bularning barchasini sizning o’zingiz o’z hayotingizga tortib olgansiz. yomon voqea- xodisotlarni aniqlang va ularni yo’qotish uchun nima qilmoqchi bo’lganligingizni o’ylang. O’z ichki dunyoingizga nazar tashlang va o’zingizga «Mendagi bu holatni nimalar yuzaga keltirdi?» degan savol bering. Bunda siz o’zingizning va o’z taqdiringizning yaratguvchisi faqat o’zingiz ekanligingiz tamoiliga tayaning. endi ushbu savolga javob izlang: «Men o’z hayotimni yaxshilash va unga o’zgartirishlar kiritish uchun fikrlash tarzimga qanday o’zgartirishlar kiritishim kerak?»

Mos kelish qonuni

Sizning ichki dunyoingiz, sizning tashqi dunyoingizning aks etishidir va u sizning fikrlash tarzingiz asosiy ko’rsatgishlariga aynan mos keladi. Xuddi shu qonun baxtlilik va baxsizlikni, omad va omadsizlikni, ulug’lik va hayotning bo’m- bo’shligining sabablarini tushuntirib beradi. Demak siz o’z hayotingizdagi nimanidir o’zgartirmoqchi bo’lsangiz, o’zingizni ichki

«Men» ningizning holatini o’zgartirishingiz kerak bo’ladi. Buni ko’pincha «ruhyi ekvivalent» deb ataydilar. Sizning hayotdagi eng asosiy ishingiz – real dunyoda erishishni istayotgan holatlaringizning ruhiy ekvivalentini o’z ichki dunyoingizda yaratishdan iboratdir. Sizning ruhiy holatingiz, sog’ligingiz va moddiy ahvolingiz siz ko’pchilik vaqt mobaynidagi fikr-o’ylaringiz va orzularingizning aksidir. Bu holatni ko’pchilik tushunmaydi yoki qabul qila olmaydi, chunki ular o’z hayotiy muammolari boshqa insonlar tomonidan va tashqi holatlar orqali vujudga kelgan deb hisoblaydilar. Agar ularga, siz bilan ro’y berayotgan barcha holatlar o’zingiz tufayli ro’y bergan, deyilsa, ular qattiq ranjib qolishlari mumkin. Ular boshqalarning o’zgarishlarini istaydilar va o’zlarining o’zgarishlarini hech ham istamaydilar. Faqatgina o’zingiz istayotgan holatlar haqida fikrlash va so’zlash orqali hamda istamayotgan holatlar haqida o’ylashdan voz kechish orqaligina siz o’z taqdiringizning yaratuvshisi o’zingiz bo’lishingiz mumkin. Bu qonunni o’z hayotingizda qo’llash uchun o’zingizning tashqi dunyoingiz bilan ichki dunyoingizni haqqoniy tarzda solishtiring va ulardagi o’xshashliklarni topishga harakat qiling. Sizning tadbirkorlik faoliyatingizdagi yoki ish joyingizdagi joriy holat

— tashkilotga nisbatan, xodimlarga nisbatan, do’stlaringiz va ko’rsatilayotgan xizmatlarga nisbatan munosabatingizda qanday tarzda aks etadi? SHu bugundan boshlab, o’zingiz intilayotgan hayot tarzi ruhiy ekvivalentini iloji borisha to’liq xolda o’z tafakkuringizda yarating. Sizning biznesingiz va ish faoliyatingiz barcha jabhalarda ideal ekanligini aniq va yorqin holatda tasavvur qiling. Haqiqiy hayotda erishishni istagan holatlarni ichki dunyoingizda yaratish uchun o’z fikrlash tarzingizga qanday o’zgartirishlar kiritishingiz kerak? Unutmang: Agar siz o’z fikrlashingizning sifatini o’zgartira olsangiz, demak siz o’z hayotingiz sifatini ham yaxshi tomonga o’zgartira olasiz!

Если вам понравилась статья, поделитесь ею с друзьями в социальных сетях.
Sirlar.uz