Yaxshi hayot nima?

Яхши ҳаёт нима?

Hech narsa osmondan tushmaydi. YAxshi yashash uchun yaxshi ishlash kerak. Hayotda asosiysi oylik-maosh emas, «Mersedes» emas, million dollar emas, bankdagi hisob raqami emas. Asosiysi yaxshi yashash kerak deb hisoblayman. Biz hamma vaqt o’zimizga «Men uchun yaxshi yashash nima degani?» deb savol berishimiz kerak. Siz ham hamma vaqt bunga javob izlashingiz lozim. Unga iqtisod, sog’lik, ruhiyat, munosabat va dam olish kiradi. Qisqasi yaxshi
hayot nima degani?
Birinchidan, samarali bo’lish. Samarali bo’lmasangiz, siz baxtli bo’lolmaysiz. Hayot — dam olishdan iborat emas. Odamlar kuchga to’lib, yana ishga qaytish uchun dam oladilar. Hayotning ma’nosi nima? Hayotning ma’nosi mehnatingie mas’ulini ko’rishdan iborat. Dadil bo’ling, jasorat ko’rsating, ana o’shanda mehnatingiz natijasini, samarasini ko’rasiz. Demak, samarali bo’lish yaxshi hayotning birinchi omilidir.
Ikkinchi omil — bu yaxshi do’stlar. Do’stlik — dunyodagi eng katta sovg’a. Do’stlaringiz bilan birga bo’lishga vaqt toping. Bu ehtiyojning joyini hech narsa bosolmaydi. Do’stlar — bular ajoyib insonlar, ular sizni taniydilar, siz to’g’ringizda hamma narsadan xabardor va baribir sizni sevuvchi insonlar. Men yaqinda eng yaqin, qiyomatli do’stlarimdan birini yo’qotdim. U 58 yoshda yurak xurujidan vafot etdi. Devid hayotdan ketdi. U eng yaxshi do’tlarimdan biri edi. Mabodo, men qamalib qolgan taqsirimda menga bir marta telefon qilish imkoniyati berilsa, albatta Devidga sim qoqqan bo’lardim. Negaki, u albatta kelib meni qamoqdan qutqazib ketardi. Bu do’stlik deb ataladi. Kimki sizni kelib qutqarsa, o’sha do’st bo’ladi. Albatga hammamizning birodarlarimiz bor. Qachon chaqirsangiz, ular: «Telefon qilib turgin, biz birga vaqtimizni chog’ o’tkazamiz», deydi. Kelinglar, haqiqiy do’st va birodarlarimiz bor bo’lsin. Do’stlaringiz, og’aynilaringiz bo’lishi shart.
Navbatdagi uchinchi omil — bu madaniyat, til, musiqa, urf-odatlar, an’anlar, kiyinish. Bularning hammasi hayotda muhim. Haqiqatdan bular noyob narsalardir. Ularda huquq, ta’sir, adolat, energiya, qobiliyat mujassam.
To’rtinchi omil — dinimiz, ruhiyatimiz. U millatimizning kelib chiqishi hisoblangan oilani shakllantiradi.
Xarakteringizning ruhiy tomoniga e’tiborsizlik qilmang. Ruhiyatingizni ehtiyot qiling. Ruhiyatingiz sizning qanday inson ekaningizni ko’rsatadi. U bizni boshqa jonzotlardan — hayvonlardan, itdan, mushuqsan, qushlardan va sichqondan farqlaydi. Demak, ruhiyatni e’zozlang.
Beshinchi omil — ota-onamiz o’rgatgan hech nimani o’tkazib yubormasligimiz kerak. Kinolar, buyumlar, chiqimlar, shoular, raqslar… nimaga qatnasha olsangiz, hammasiga qatnashing. Iloji bo’lsa, hammasiga chipta oling. Ota-onam meni shularga o’rgatgan edi. Hali ham shular menga yordam beradi. Otam 93 yoshida vafot etdi. Agar unga kech soat 10:30-11:30 larda telefon qilsangiz, uyda topa olmas edingiz. U bolalarning softbol o’ynashlarini kuzatar edi, kon’ertlarga, cherkovlarga borardi. Har kech qaerdadir bo’lar edi.
Hayotda faol yashang. Hayotingiz yaxshi bo’lsa, yaxxni yashasangiz, daromad ham yaxx^ bo’ladi. Agar siz yaxshi yashasangiz, bu sizning ovozingizdan, gaplaringizdan seziladi, chehrangizdan barq urib turadi. Agar siz yaxshi yashasangiz, sizdan qandaydir kinshni maftun qiluvchi xulq-atvor taraladi. Bu faqat shaxsiy hayogingizga emas, balki ishingizga ham o’z ta’sirini ko’rsatadi. Va sizga dunyoda hech narsa shunchalik bera olmaydigan hayotiy qobiliyatni beradi.
Oxirgi oltinchi omil — oila va qarindoshlar. Qarindoshlarni seving, ular ham muhabbat bilan javob qaytaradilar. Ularning ruhini ko’taring, ular sizning ruhingizni ko’tarishadi.
Biron mayda-chuydani o’tkazib yubormang. Hayot mayda-chuydalardan tuzilgan. Otam tirikligida men sayohat qilib yurib, unga telefon qilardim. Odatda u ertalabki nonushtani fermerlar bilan qilardi. U Aydaxo shtatining shimoliy-g’arbida joylashgan, unchalik katta bo’lmagan qishloqda yashardi. Agar men Isroilda bo’lsam, tunning yarmida turib, 5-6 daqiqa telefon qilib: «Dada, men Isroildaman», desam, u baland ovozda gapirardi. Uning o’g’li Isroildan telefon qilayotganini hamma eshitsin-da. YAna men: «Dada, kecha-kechqurun ular mening sharafimga katta ziyofat uyushtirishdi», desam, endi buni hamma bilardi. Bunga hammasi bo’lib 10-15 daqiqadan kam vaqt ketadi. Ammo men dadamga qanday unutilmas kun sovg’a qilardim.
Ota uydan chiqa turib qizining o’pichlarini his qilsa, bu uning yuzidan ko’rinib turadi va kun davomida unga kuch bag’ishlaydi. Dadalarni o’pib ishga kuzatinglar. Ayol kishi uydan chiqa turib eri bilan qo’ltiqlashib ketsa, buni his qilgan erkakka o’sha kuni bilan hech qanday zarba o’z ta’sirini o’tkazolmaydi. Bular odamni kuchga to’ldiradi, o’ziga ishonch beradi.
Bu juda qadrli narsa, bunday imkoniyatlarni o’tkazib yubormang. Bir kishi aytgan ekan: «Hayotda qimmatli narsalar ko’p, shulardan eng qimmatlisi — bir odamning ikkinchisiga g’amxo’rlik qilishidir». Muhabbatdan qimmatliroq narsa yo’q. Qasrda yolg’iz yashagandan ko’ra sevgan kishingiz bilan daryo bo’yidagi hujrada yashagan afzal.

Foydalanilgan adabiyot

Maqolani tayyorlashda S. Azamova tarjimasidagi Ron Jimning “Aql vitaminlari” kitobidan foydalanildi.

Если вам понравилась статья, поделитесь ею с друзьями в социальных сетях.
Sirlar.uz
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: